20.4 C
Dushanbe

Байни Тоҷикистону Узбекистон нишастҳои ҳамкорӣ дар соҳаи иқтисодию иҷтимоӣ сурат мегирад

Акс аз: UzDaily.uz

Рӯзҳои 28-29 сентябр дар Душанбе ҷаласаи навбатии Комиссияи муштараки байниҳукуматии Тоҷикистону Узбекистон оид ба масоили ҳамкориҳои иқтисодӣ ва иҷтимоиву фарҳангӣ баргузор мегардад. Дар ин бора “Asia-Plus” бо такя ба манбааш аз ҳукумати Тоҷикистон хабар додааст.

Раисии ин ҷаласаро сарвазирони Тоҷикистон Қоҳир Расулзода ва Узбекистон Абдулло Орипов бар уҳда хоҳанд дошт.

Ҳарду тараф масъалаҳои боз намудани марз ва барқарор намудани парвозҳо байни ду кишвари ҳамсояро, ки баъд аз паҳншавии бемории сироятии коронавирус дар нимаи моҳи март баста шуда буд, баррасӣ мекунанд.

Дар ин ҷаласа дар хусуси густариши савдои дуҷониба, лоиҳаҳои сармоягузории муштарак, тавсеъаи робитаҳо дар бахшҳои нақлиёту коммуникатсия ва муносибати байни минтақаҳо гуфта мешавад.

Ба навиштаи ин сомона, дар ҷаласа масъалаи ҳаҷми интиқоли барқ аз Тоҷикистон ба Ӯзбекистон, интиқоли гази табиӣ аз Ӯзбекистон ба Тоҷикистон ва нархи онҳо дар соли оянда низ мувофиқа мешаванд.

Тибқи иттиллои маркази матбуоти Вазорати энергетика ва захираҳои оби Ҷумҳурии Тоҷикистон ҳаҷми воридоти гази табиӣ аз Узбекистон 2,3 баробар аз маблағи содироти нерӯи барқ зиёд мебошад. Дар шаш моҳи аввали соли ҷорӣ ба Ӯзбекистон дар ҳаҷми 358 млн. кВт. соат нерӯи барқ ба баҳои 7,2 миллион доллари ИМА содир шудааст. Аммо дар ҳамин давраи сол воридоти гази табиӣ аз Узбекистон дар ҳаҷми  144 млн. метри мукааб ва ба маблағи  17 миллион доллар сурат гирифтааст.

Пештар хабар дар бораи ташрифи сарвазири Узбекистон Абдулло Орипов ба Тоҷикистон, барои иштирок дар маросими ифтитоҳи мактаби таҳсилоти миёнаи умумӣ расонаӣ шуда буд. Ин аввалин ташрифи сарвазири Узбекистон ба Тоҷикистон дар даврони пандемияи коронавирус мебошад. Баъд аз марги Ислом Каримов ва ба сари қудрат омадани Шавкат Мирзиёев байни ин ду ҳамсоякишвар сарҳадҳо боз ва ҳамкориҳои тиҷоративу иқтисодӣ ва иҷтимоиву фарҳангӣ вусъат бахшида шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.