21.9 C
Dushanbe

Нишасти СММ барои ба расмият шинохтани Толибон

Қарор аст Созмони Миллали Муттаҳид нишасте барои гуфтугӯ дар барои ба расмият шинохтани давлати Толибон дар Афғонистон баргузор кунад.

Ба ба иттилои расонаҳо, Амина Муҳаммад, муовини Дабири кулли Созмони Миллали Муттаҳид рӯзи душанбе дар нишасте гуфт, ки ин созмон қасд дорад дар рӯзҳои оянда конфронсеро барои гуфтугӯ дар мавриди ба расмият шинохтани ҳукумати сарпарасти Толибон дар Афғонистон тартиб диҳад.

Ин намояндаи аршади СММ бар зарурати таомули ҷомеаи ҷаҳонӣ бо мақомоти ҳукумати сарпарасти Толибон таъкид кард.

Хонум Амина Муҳаммад изҳор дошта, ки ин нишасти байналмилалӣ зарфи ду ҳафтаи оянда баргузор мешавад ва намояндагонеро, ки дар мавриди Афғонистон кор мекунанд, ба мизи музокира хоҳад овард.

Аммо дар марди ин ки намояндаи Толибон дар ин нишаст ҳузур пайдо мекунд ё на, дар изҳороти муовини Дабири кулли СММ дақиқ чизе гуфта нашудааст.

Ин дар ҳолест, ки мақомоти Толибон дар Афғонистон монеи кори кормандони зани СММ дар ин кишвар шудаанд. Чанде пеш ҳудуди 300 зани корманди ин ниҳодро нагузоштанд дар он кор кунанд. Мудири Барномаи тавсеаи СММ дар Афғонистон рӯзи чоршанбе ба расонаҳо гуфт, ки дар пайи боздоштани кормандони зани ин ниҳод бо мақомоти Толибон вориди гуфтугӯ шудааст, то фармони мамнӯияти кори занони СММ-ро бекор кунанд. Мудири Барномаи тавсеаи СММ гуфта, ки агар гуфтугӯҳо бо Тлибон натиҷае надиҳад, ин созмон маҷбур аст дар моҳи май тасмими тарк кардани хоки Афғонистонро бигирад.

Ёдовар мешавем, ки пас аз сари қудрат омадани Толибон дар Афғонистон аз 15-уми августи соли 2021 то кунан ҳеч кишваре ошкор ҳукумати Толибонро ба расмият нашинохтааст. Аммо равобити кишврҳо бо Афғонистон дар шакли кумакрасонӣ, муомилоти тиҷоратӣ ва бо бархе дипломатӣ вуҷуд дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.