33.9 C
Dushanbe

Нишасти якуми сарони кишварҳои “Чин-Осиёи Марказӣ”

Нишасти якуми сарони кишварҳои “Чин-Осиёи Марказӣ” дар шаҳри Сиани ин кишвар ба кори худ оғоз кард.

Бино ба иттилои расмӣ, субҳи имрӯз, 19-уми майи соли 2023 Саммити якуми сарони кишварҳои “Чин-Осиёи Марказӣ” бо ҳузури раҳбарони кишварҳои Осиёи Марказӣ бо суханронии Сӣ Чинпин раисҷумҳури Чин ба кори худ оғоз кард.

Хадамоти матбуоти Президенти Тоҷикистон мегӯяд, ба намояндагӣ аз Тоҷикистон “Эмомалӣ Раҳмон дар шаҳри Сиани Ҷумҳурии Мардумии Чин дар кори Саммити якуми сарони кишварҳои “Чин-Осиёи Марказӣ” иштирок ва суханронӣ кардааст.”

Ба қавли манбаъ, раҳбари Чин Си Ҷинпин дар рафти суханронии худ дар робита ба таҳкими минбаъдаи ҳамкориҳо дар ҳама ҷонибҳои рушди кишварҳо ва татбиқи барномаву лоиҳаҳо таъкид карда, ки кишвараш “барои пурзӯр намудани институтикунониии минбаъдаи ин сиғаи ҳамкорӣ диққати ҷиддӣ медиҳад.” Ва “дар чаҳорчӯбаи ин ҳамоиш 26 миллиард Юан ҷудо хоҳад намуд.”

Эмомалӣ Раҳмон, ки ба сурати расмӣ соли 2011 як ҳазору 158 гектар хоки Тоҷикистонро ба Чин доду тай се даҳсолаи ҳукмрониаш аксари конҳо ва манобеи маъданҳои зеризаминиро бар ивазаи чанд тангаи сиёҳ дар ихтиёри ширкатҳои хусусӣ ва давлатии Чин қарор дод ва ҳамчунин қарзи хориҷии кишварро зиёд кард, дар ин ҳамоиш “бо қаноатмандӣ” таъкид карда, ки “давоми се даҳсола муносибатҳои кишварҳои Осиёи Марказӣ ва Чин дар асоси усулҳои ҳамдигарфаҳмӣ ва эҳтирому боварии мутақобила босуръат рушд ёфтанд. Дар ин росто мулоқот дар доираи саммити “Чин-Осиёи Марказӣ” метавонад заминаи нодир ва самараноке барои густариши ҳамкорӣ байни кишварҳои мо гардад.”

Гуфта мешавад, аз охири кори Саммити якуми “Чин-Осиёи Марказӣ” “Эъломияи Сиан қабул гардид, ки дар он масъалаҳои мубрами минтақавӣ ва самтҳои асосии ҳамкориҳо байни кишварҳои ин ҳамоиш дарҷ шуданд.” Ва ҳамчунин дар ин нишаст аз қабул шудани чанд механизмҳои бисёрҷонибаи ҳамкориҳо дар самтҳои муҳимми иҷтимоию иқтисодии рушди кишварҳои ҳамоиш хабар дода мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.

Амрико гурӯҳи “Ҳайат Таҳрир аш-Шом”-ро аз листи террористон хориҷ кард

Иёлоти Муттаҳидаи Амрико гурӯҳи “Ҳайат Таҳрир аш-Шом”-ро, расман аз феҳристи созмонҳои террористӣ хориҷ кард.

Содир Ҷабборов ба Тоҷикистон омад

8-уми июли соли 2025 Президенти Қирғизистон Содир Ҷабборов бо даъвати раисҷумҳури худкомаи Тоҷикистон Эмомалӣ Раҳмон ба Душанбе омад.

Дар Маскав беш аз 500 муҳоҷирро ба шуъбаҳои пулис бурдаанд

Мақомоти Русия дар шаҳри Маскав барои ошкор кардани роҳҳои муҳоҷирати ғайриқонунӣ "рейд" гузарондааст.