27.9 C
Dushanbe

Норасоии 4300 табиб ва ҳамшираҳои тиб дар Тоҷикистон

Вазорти тандурустии Тоҷикистон мегӯяд, ки айни замон дар муассисаҳои тиббии ҷумҳурӣ 4300 нафар табиб ва ҳамшираҳои тиб намерасад, вале ин мушкил ҳалшаванда аст.

Имрӯз, 27-уми июли соли 2022 вазири тандурустӣ ва ҳифзи иҷтимоии аҳолии Тоҷикистон Ҷамолиддин Абдуллозода дар нишасти матбуотиаш гуфт, айни замон дар муассисаҳои тиббии кишвар 2960 табиб ва 1340 ҳамшираҳои тиб намерасад.

Ба гуфтаи Ҷамолиддин Абдуллозода дар соли ҷорӣ 2188 нафар донишгоҳҳои давлатии тиббӣ, аз ҷумла Донишгоҳи давлатии тиббии Тоҷикистон ба номи Абуалӣ ибни Сино, Донишгоҳи тиббии Тоҷикистон дар вилояти Хатлон ва факултаи тиббии Донишгоҳи миллии Тоҷикистонро хатм кардаанд ва онҳо тибқи роҳхат ба кор фиристода мешаванд.

Инчунин дар ҳамин сол аз ҷамъи 14615 нафаре, ки колеҷҳои тиббиро дар ҳудуди ҷумҳурӣ хатам кардаанд, 3466 нафари онҳо ба таври буҷавӣ дар колеҷҳо дарс хондаанд. Агар инҳо тибқи роҳхат ба муассисаҳои дар онҳо кормандони миёнаи тиб намерасад, бираванд, мушкили норасоии ҳамшераҳои тиб бартараф мегардад.  

Вазири тандурустӣ ва ҳифзи иҷтимоии аҳолии Тоҷикистон дар бораи иллатҳои муҳоҷирати табибон аз Тоҷикистон гуфт, ки таҳияи барномаҳои махсуси кишварҳои ҳамсоя, додани имтиёзҳо, такмили ихтисос ва ғайра аз омилҳои асосии муҳоҷирати табибон аст.

Ҷамолиддин Абдуллозода таъкид кард, ки Вазорати тандурустӣ омори дақиқеро дар ин хусус надорад, то муайян кунад, ки тамоми кормандони тиббие, ки Тоҷикистонро тарк карда, муҳоҷир шудаанд, ҳама барои кор дар муассисаҳои тиббӣ рафтаанд ё қисме аз онҳо ба корҳои дигаре низ машғул ҳастнад.

Гуфта мешавад, Вазорати тандурустӣ ва ҳифзи иҷтимоии аҳолии Тоҷикистон дар ҳоле норасонии 4300 нафар кормандони соҳаи тиб дар муассисаҳои тиббии кишварро як амри маъмулӣ медонад, ки чанд рӯзе пеш сардори Раёсати тандурустии вилоят Хатлон гуфта буд, ки “дар вилояти Хатлон як табиб аст, ки сӯхтагиҳоро табобат мекунад.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.