21.9 C
Dushanbe

Одинаев: “Агар писари Раҳмонов хидмат кунад, писари ман ҳам хидмат мекунад”

Сурат: аз Фейсбук

Маҳмурод Одинаев муовини раиси ҲСДТ имрӯз дар саҳифаи фейсбукиаш чанд наворе нашр кард, ки дар он аз рабуда шудани фарзандаш аз ҷониби кормандони Комиссарияти ҳарбии шаҳри Ҳисор ба Президенти кишвар шикоят кардааст.

Дар як навори он, ки аз назди Комиссариати ҳарбӣ гирифта шуда, ду корманди ин ниҳод дар он дида мешаванд ва дар навори дигараш дида мешавад, ки як зан пеши роҳи мошини раиси Комиссариатро гирифта худро ба замин меандозад.

Дар баробари Маҳмурод Одинаев чандин нафари дигар низ назди Комиссарият ҷамъ омада аз зуран тариқи “Облава” ба хидмати ҳарбӣ бурда шудани фарзандонашон эътироз доранд.

Одинаев мегӯяд: “чаро фарзанди маро дар рӯзи равшан дуздидед?”

Аз гуфтаҳои муовини раиси ҲСДТ маълум мешавад, ки фарзанди ӯро кормандони нерӯҳои низомӣ пеш аз “Облава” лату кӯб кардаанд. Ба гуфтаи ӯ фарзандашро кормандони Комиссариати ҳарбии ш Ҳисор бо фармони КДАМ ба хидмат бурданд.

Дар Тоҷикистон мавсими даъвати нави сарбозӣ ва ба қавле “Облава” оғоз шудааст. То имрӯз чандин аксу наворҳо дар шабакаҳои иҷтимоӣ ва расонаҳо аз қонуншикании кормандони Комиссариятҳои ҳарбии Тоҷикистон нашр мешавад.

Баъд аз ҷанги шаҳрвандӣ дар Тоҷикистон ҷавононро барои ба хидмати ҳарбӣ бурдан аз роҳҳои зуроварӣ истифода мешавад, ки борҳо ин масъала дар сатҳҳои гуногун мавриди интиқод қарор гирифта буд.

Аммо масъулони Комиссариятҳои ҳарбӣ ҳаргиз нашудааст, ки фарзанди мансабдореро барои хидмат дар сафи Қувваҳои мусаллаҳи кишвар даъват ва ё “Облава” карда бошанд. Дар чунин мавсимҳо одатан фарзандони мардуми фақиру бе “тағо” дуздида мешаванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.