31.9 C
Dushanbe

Оғози фаъолияти вебсайти хабарии нав дар Тоҷикистон

Вебсайти нави иттилоотӣ-таҳлилӣ бо номи “nuqta.tj” дар Тоҷикистон ба кор шуруъ кардааст.

Гуфта мешавад, ин вайбсайт таҳлилӣ буда, мақсадаш фароҳам овардани ҷойҳои корӣ барои рӯзноманигорони тоҷик гуфта шудааст, ки дар натиҷаи интишори бемории коронавирус бештраи хабаргузориҳо фаъолияти худро қатъ кардаанд, ё аз ҷониби Ҳукумати Тоҷикистон баста гардиданд.

Ин вебсайт аз ҷониби Набӣ Юсупов бо маблағгузории Инситути ҷомеаи боз ва Бунёди мадад ба фаъолият оғоз кардааст.

Муассиси ин вейбсайт дар суҳбат ба Радоио Озодӣ гуфтааст: Расонаҳои зиёде маҷбур шуданд, фаъолияти худро қатъ кунанд ё муваққатан кори худро боздоранд. Мисол ҳафтаномаҳои “Чархи гардун”, “Дайджест пресс”, холдинги “Муҳаббат ва оила” ва дигарон. Чандин рӯзноманигор бекор монд.

“Дар ҳамон вақт ба ман ҳам якчанд кас муроҷиат кард, ки мо мақола менависем, вале ҷойи нашр нест. Расонаҳо ё корашонро боздоштанд ё маблағи кам медиҳанд. Ҳамаи инро фикр карда, тасмим гирифтам, лоиҳае навишта, ба созмонҳои байналмиллалӣ пешниҳод кунам. Агар дастгирӣ кунанд, ҳаминро пеш барам. Охир вақтҳо дидам, ки рӯзноманигорони таҳлилгар ё коршиносоне, ки пеш фаъол буданд, корашон суст шуд”, мегӯяд муассиси ин вебсайти хабарӣ.

Дар идома мегӯяд,

“Мо корро тоза шуруъ кардем, лекин сад фоиз гуфта наметавонам, ки корамон муваффақ мешавад. Ҳаракат мекунам, ки як командаи мустаҳкам ёбам, дастае, ки метавонанд ва кор кардан мехоҳанд.”

Фаъол гаштани вебсайти нав дар Тоҷикистон дар ҳолест, ки тайи чанд соли охир бо сабаби фишори мақомоти Тоҷикисон чандин расонаҳои иттилотӣ ва ҳафтаномаҳо аз ҷумла “Тоҷниюс”,  “Нигоҳ”, “Озодагон” ва чанд рӯз пештар “Ахбор” фаъолияти худро қатъ карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши ҳолатҳои қаллобӣ дар Тоҷикистон

Вазорати корҳои дохилаи Тоҷикистон рӯзи 30-уми майи соли ҷорӣ аз боздошти нафаре хабар дод, ки дар қаллобӣ ва азхудкунии пулҳои мардум бо роҳи фиреб муттаҳам мешавад.

Ҳушдори Белорус ба Ғарб: Хатти сурхро убур накунед!

Як мақомдори баландпояи низомии Белорус пас аз ҷобаҷакунии силоҳҳои ҳастаии Русия дар хоки ин кишвар ба Ғарб ҳушдор дод, ки хатти сурхро убуб накунанд.

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.