28.9 C
Dushanbe

Оғози флешмоб барои озодии Амриддин Аловатшоев

Аз 24-уми январи соли ҷорӣ дар бахши тоҷикии шабакаҳои иҷтимоӣ флешмобе бо шиорҳои “озодӣ ба Амриддин” ва “Амриддинро ба мо нишон диҳед” шуруъ шудааст.

акс аз Pamir Daily News

Корбарони шабакаҳои иҷтимоӣ, ба хусус зодагони ВМКБ-и Тоҷикистон бо нашри наворҳо аз мақомоти Тоҷикистон ва Русия талаб доранд то макони будубоши Амриддин Аловатшоевро ифшо кунанд.

Ширкаткунандагони флешмоб таъкид мекунанд, ки беш аз ду ҳафта аст, касе Амриддин Аловатшоевро пайдо карда наметавонад ва тибқи хабарҳо Амриддинро аз Русия дуздида ба Душанбе бурдаанд.

Ба иддаои фаъолон Амриддин ягон амали ҷиноӣ анҷом надода, ба сиёсат кордор набуд ва як инсони поквиҷдону адолатпарвар буд. Онҳо аз мақомоти Тоҷикистон даъват мекунанд, ки Аловатшоевро нишон диҳад ва ҳарчӣ зудтар раҳо кунанд.

Вазорати корҳои дохилии Тоҷикистон мегӯяд, дар бозгардондани Амриддин Аловатшоев аз Русия даст надорад. Дар ҳоле ВКД боздошти Амриддинро рад мекунад, ки дар гузашта даст доштанашро дар боздошту ба Душанбе овардани вакили мудофеъ Иззат Амон ва Чоршанбе Чоршанбиев низ рад карда буд. Бо вуҷуди ин раддияҳо, пас аз чанде хабари боздошти онҳоро дар Душанбе нашр карданд.

Амриддин Аловатшоев яке аз раҳбарони мардумии Бадахшон буда, рӯзи 11-уми январ аз ҷониби мақомоти амниятии Русия дар шаҳри Белгород боздошт шуда буд. Бино ба иттилои манобеи Pamir Daily News, баъди боздошт Аловатшоевро кормандони ФСБ ба кормандони Вазорати корҳои дохилии Федератсияи Русия супурдаанд. Кормадони ВКД-и Русия ӯро ба Маскав бурда ва баъдан ба Тоҷикистон истирдод кардаанд. Баъд аз истирдод Амриддин ба Раёсати мубориза бо ҷиноятҳои созмонёфтаи ВКД дар Душанбе бурда шудааст. Бо гузашти ду ҳафта аз ӯ хабаре нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.