20.9 C
Dushanbe

Оғози таҳқиқи дигарбораи сарчашмаи вируси COVID-19

Созмони ҷаҳонии беҳдошт хабар дод, ки як ҳайати ин созмон имрӯз шанбе 11-уми июл бо сафари расмӣ вориди хоки Чин хоҳанд шуд. Сафари ин ҳайат, ки ду рӯз анҷом меёбад, бо ҳадафи бозкушоии роҳ ба хотири сафарбар шудани ҳайатҳои бузургтаре барои анҷоми таҳқиқи сарчашмаи вируси ҳамагири COVID-19 роҳандозӣ шудааст.

Хабаргузории (RT) менависад, Созмони ҷаҳонии беҳдошт зимни баёнияи имрӯзааш мегӯяд, ҳайате, ки озими Чин мешавад, иборат аз мутахассисони вирусшинос ва байторҳо буда дар доираи сафари худ ба Пекин рӯзи шанбе ва якшанбе барои муайянсозии ихтисос ва ваколатҳои ҳайати оянда амал хоҳад кард. Вазифаи ин ҳайат тибқи нақша, ҳамаҷониба омӯзиши вируси интиқолёбанда аз ҳайвон ба инсон мебошад.

Бори охир як ҳайат аз ин созмон барои таҳқиқи сарчашмаи вируси COVID-19 моҳи феврали соли равон ба Чин сафар карда буд ва он замон раиси ин ҳайат аз талошҳои Пекин баҳри пешгирии COVID-19 ситойш намуда гуфта буд, ки Чин дар хусуси мубориза бо ин вирус дар баробари ҷомеаи ҷаҳонӣ аз шаффофият кор мегирад.

Аксари мутахассисони вирусшинос бар ин боваранд, ки ин вирус маншаи табиӣ дорад ва сарчашмаи аслияш кӯршапарак мебошад. Ба гуфтаи онҳо ин вируси нави карона аз кӯршапарак ба дигар ҳайвон интиқол ёфта сипас ба инсон гузаштааст.

Пештар зиёда аз 120 кишвар аз Созмони ҷаҳонии беҳдошт талаб намуда буданд, ки таҳқиқи ин вирусро ҳарчи тезтар ва ҷиддитар аз сар бигирад ва сабаби пайдоиши онро дақиқтар биомӯзад.

Акс аз “almasdaronline.com”

Ин қарор дар ҳоле гирифта мешавад, ки Амрико рӯзи 8-уми июл хуруҷи худро аз ин созмони байналмиллалӣ эълон кард ва онро муттаҳам намуд, ки дар муомила бо вируси оламгир зери султаи Чин рафтааст ва воқеиятро ба ҷаҳониён намегӯяд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қирғизистон дар марзи бо Тоҷикистон симхор мекашад

Хадамоти сарҳадии Кумитаи давлатии амнияти миллии Қирғизистон эълон кард, ки корҳои муҳандисӣ дар марзи Тоқикистон-Қирғизистон дар вилояти Бодканд оғоз шудааст.

Тоҷикистониён дигар наметавонанд “визаи электронӣ”-и Арабистонро бигиранд

Ахиран Арабистони Саудӣ Тоҷикистон ва Узбекистонро аз феҳристи кишварҳои дорои шароити барномаи визаи сайёҳии электронии "eVisa" ҳазф кард.

Тамдиди муҳлати қонунигардонии будубоши муҳоҷирон дар Русия

Мақомоти Русия бо қабули фармони нав муҳлати қонунӣ кардани будубоши шаҳрвандони хориҷӣ ва бешаҳрвандӣ дар ин кишварро то 10-уми сентябри соли 2025 тамдид кард.

Дар чанд кишвари Аврупо барқ якбора қатъ шуд, сабаб чист?

Рӯзи 28-уми апрели соли ҷорӣ миллионҳо нафар дар Испания, Португалия, Андорра ва қисмате аз Фаронса бе нерӯи барқ монданд.