-3.1 C
Dushanbe

Панҷ тоҷикистонӣ дар Олмон равонаи зиндон шуд

Додгоҳе дар Олмон панҷ зодаи Тоҷикистонро бо иттиҳоми даст доштан дар “амалиётҳои ҳаросафканӣ” ба муддатҳои гуногун равонаи зиндон кард.

Акс аз DW

Ба гузориши хабаргузории “Deutsche Welle”-и Олмон, 31-май соли 2022 додгоҳе дар шаҳри Доюселдорфи Олмон панҷ тоҷикистониро бо иттиҳоми даст доштан дар як гурӯҳи ҳаросафкании муртабит ба ДИИШ аз 3 солу 8 моҳ то 9 солу шаш моҳ маҳкум ба зиндон кард.

Дар ин гузориш иддао шудааст, “ин афрод аз яке аз чеҳраҳои баҷастаи ДИИШ дар Афғонистон дастур дарёфт мекарданд”, ва маҳоратҳои низомии худро бо истифода аз бозиҳои “пейнтбол” тақвият мекарданд.

Бархе дигар аз расонаҳои олмонӣ мегӯянд, ин афрод дар соли 2012 ба ин кишвар паноҳанда шуданд ва аз соли 2019 тамосҳои худро бо Афғонистон барқарор кардаанд. Ба иддаои онҳо “ин афрод қасд доштанд яке аз мунтақидони исломро ба қатл бирасонанд.”

Хабаргузориҳои олмонӣ гузоришҳои худро аз қавли мақомоти ин кишвар таҳия карда, вале назари маҳкумшудагон, адвокатҳо ва ё пайвандону наздикони онҳо дар ин бора маълум нест. Аздо тв ҳам то ҳол натавониста аз адвокатҳо ва пайвандони маҳкумшудагон дар бораи то куҷо даст доштани онҳо дар гуноҳи бар зиддашон эълоншуда маълумоте дастрас кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.