Ҷаҳон

СММ: оворагони ҷанги Украина ба 600 ҳазор нафар мерасад

Комиссари Олии Созмони Миллали Муттаҳид (СММ) дар умури паноҳандагон эълон карда, ки омори расмии паноҳадаҳо аз Украина акнун ба 500 ҳазор нафар мерасад.

Пеш аз ин ББС бо нашари як гузориш гуфта буд, Комиссари Олии СММ дар умури паноҳандагон хабар дода, то кунун наздик ба 422 ҳазор нафар аз Украина ба дигар кишварҳо паноҳ бурда ва ҳудуди 100 ҳазор каси дигар ҳам дар дохили ин кишвар овора шудааст.

Ин ниҳоди СММ мегӯяд, гузоришҳоеро дар ҳоли баррасӣ қарор дода, ки тибқи онҳо дар Украина аз савор шудани мардум ба қатораҳо пешгирӣ карда мешавад.

Комиссари Олии СММ дар умури паноҳандагон афродеро аз кишвар фирор мекунанд, ҳамчун паноҳанда мешиносад. Аксари паноҳандаҳои Украина занону кӯдакон ва мардони болои 60-сола ҳастанд. Давлати Украина ба мардони аз 16 то 60-сола иҷоза намедиҳад, ки аз кишвар хориҷ шаванд.

Дар минёнаи паноҳандаҳое, ки дар ин шабу рӯз Украинаро тарк мекунанд, садҳо нафар тоҷикистонӣ ва ҳазорҳо нафар аз шаҳрвандони дигар кишварҳо низ ҳузур доранд.

Гуфта мешавад, дар ҳоли ҳозир Лаҳистону Словакия ва Руминияву Маҷористон кишварҳое мебошанд, ки бештарин паноҳандаҳои Украинаро дар ин чанд рӯзи ҷанг мизбонӣ мекунанд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Ҷаҳон

Ҷаҳон

Пешравии қувваҳои низомии Русия дар вилояти Лугански Украина

Ҷаҳон

19 кушта ва беш аз 38 захмӣ дар як ҳамлаи Русия ба Одесса

Ҷаҳон

Бедодгарии мавҷи ҷадиди коронавирус дар Олмон

Ҷаҳон

Олмон: Марди 101-сола ба 5 соли зиндон маҳкум шуд