14.9 C
Dushanbe

Пайвандони Саидумар Саидов 10 рӯз мешавад ӯро надидаанд

Бо гузашти беш аз 10 рӯзи боздошти Саидов Саидумар мақомот ба наздиконаш иҷозаи мулоқот бо ӯро надодаанд.

Шамсиддини Саид, узви аршади ҲНИТ ва тағои Саидумари 31-сола дар суҳбат ба Azda.tv гуфт, ки хоҳараш 10 рӯз мешавад муфаттиши парвандаи Саидумарро пайдо карда наметавонад. 

Ба гуфтаи Шамсиддини Саид, муфаттиши парванда на хоҳарашро қабул мекунаду на иҷозаи мулоқот бо фарзандашро медиҳад. Ва муфаттиш Маҳмудзода Фарҳод ном дорад, ки парвандаи Саидов Саидумарро пеш мебарад.

Пайвандони Саидумар Саидов танҳо ду дафъа барои ӯ ба Боздоштгоҳи шаҳри Бохтар либосу хӯрок бурданд.

Ин узви аршади ҲНИТ қайд кард, ки то ҳол мақомот телофонҳо ва паспортҳоеро, ки баъд аз кофтукоби ғайриқонунии хонаи хоҳараш бо худ бурданд, барнагардонидаанд. 

Ёдовар мешавем, ки мақомоти шуъбаи Вазорати корҳои дохилии ноҳияи Кӯшонинён рӯзи 18-уми апрели соли ҷорӣ Саидов Саидумар, хоҳарзодаи Шамсиддини Саидро даъват карда, пас аз чанд соати бозпурсӣ дар бораи тағояш ӯро боздошт ва алайҳаш мувофиқи моддаи 307-и Кодекси ҷиноятии Тоҷикистон парванда боз карданд. 

Бино ба иттилои манбаъ, Саидов Саидумар, ки оиладор ва интизори таваллуди аввалин фарзандаш буд, ба он муттаҳам мешавад, ки гӯё бо худи Шамсидддини Саид дар иртибот будааст, аммо Шамсиддини Саид мегӯяд, наздиконаш “аз тарси фишори мақомот ҳеч иртиботе бо ман надоштанд.”

Ин узви аршади ҲНИТ таъкид мекунад, ки боздошти хоҳарзодааш идомаи фишорҳои мақомот боло ӯст. “Пас аз ҳукми 7 соли зиндон ба Абдуллоҳи писарам боздошти хоҳарзодаамро идомаи фишорҳо болои хеш ҳисоб менамоям.”

Ёдовар мешавем, ки мақомоти тоҷик пас аз ихроҷи Абдуллоҳи Шамсиддини, писари Шамсиддини Саид аз Олмон ба Тоҷикистон 29-уми марти соли ҷорӣ ӯро бо моддаи 307 қисм 1-и Кодекси ҷиноятии Тоҷикистон гунаҳкор дониста, 7 сол аз озодӣ маҳрум сохт. Худи Абдуллоҳ ва пайвандонаш иттиҳомоти мақомотро сохта медонанд ва онро қабул надоранд. Фаъолон ва созмонҳои байналмилалӣ зиндони шудани Абдуллоҳро ба фаъолиятҳои падараш рабт медиҳанд ва борҳо озодии ӯро аз мақомот талаб карда буданд. 

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.