23.9 C
Dushanbe

Паноҳандаи суриягӣ шаҳрдори яке аз шаҳрҳои Олмон интихоб шуд

Паноҳандаи суриягӣ Райён Аш-Шибл дар шаҳри Остелшайми Баден-Вюртемберги Олмон шаҳрдор интихоб гардид.

Бино ба иттилои расонаи DW, Райён Аш-Шибл, ки соли 2015 ба Олмон паноҳанда шуда буд, дар интихоботи раёсати шаҳри Остелшайми Олмон дар баробари ду номзади маҳаллӣ, Марко Штраус ва Маттиас Фей бо ба даст овардани 55,41% овозҳо пирӯз шуд. Аш-Шибли 29-сола эҳтимолан аввалин суриягӣ аст, ки дар ҷанубу ғарби Олмон шаҳрдор интихоб мешавад.

Гуфта мешавад, собиқ шаҳрдори Остелшайм Юрген Фукс аз интихоб шудани Райён Аш-Шибл ба ҳайси шаҳрдори нав пуштибонӣ кардааст. Район 18-уми июни соли ҷорӣ корро ба ҳайси шаҳрдор шуруъ хоҳад кард.

Муҳаммадҷон Кабиров, рӯзноманигор ва коршиноси масоили сиёсӣ мегӯяд: “Ба ҳайси шаҳрдори шаҳри Остелшайми Олмон интихоб шудани ҷавони суриягӣ бо номи Райён Аш-Шибл баёнгари вуҷуди болои арзишҳои демократӣ ва мардумсолорӣ дар ин кишвар аст. Дар ҳоле, ки чунинҳо дар кишварҳои худ ҳатто наметавонанд президенти худро озодона интихоб кунанд. “
Кабиров афзуд, “намунаҳои дигари чунин интихоб шуданҳо дар кишварҳои демкратӣ зиёд аст, аз ҷумла додрас интихоб шудани як зани ҳиҷобдор дар Амрико, сарвазир интихоб шудани покистонитабор дар Скотланд, шаҳрдори Лондон интихоб шудани покистонитабор, сарвазири Бритониё интихоб шудани ҳиндутабор ҳама баёнгари гуфтаҳои болост.”
Райён Аш-Шибл 29-сола зодаи Ас-Сувайдаи Сурия буда, соли 2015 замони даъваташ ба артиш, тавассути Лубнон ба Туркия фирор мекунад. Пас аз он ӯ ҳамроҳи дигар муҳоҷирон ба ҷазираи Лесбоси Юнон меравад.

Дертар ӯ вориди хоки Олмон шуда, якуним сол дар шаҳри Калв зиндагӣ карда, ба омӯхтани забони олмонӣ машғул мешавад. Баъд ба Алтунгштейт мекӯчад ва баъд аз хатми таҷрибаомӯзӣ дар маъмурияти маҳаллӣ кор карда, ҳафт соли охир дар маъмурияти Алтунгштейт ба ҳайси ёвари маъмурӣ кор кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сарт напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.