19.9 C
Dushanbe

Пешниҳоди иттифоқҳои касабаи Тоҷикистон дастгирӣ меёбад, Э.Раҳмон номзад ба мақоми Президенти Тоҷикстон

Акс аз сомонаи “Ховар”

Бино ба иттилои хабаргузории давлатии “Ховар” имрӯз дар Академияи идоракунии давлатии назди Президенти Тоҷикистон ҳамоиши илмӣ-сиёсӣ баргузор гардида, устодон ва магисторони ин ниҳоди илмӣ пешниҳоди Федератсияи иттифоқҳои мустақили касабаи Тоҷикистонро оиди пешбарӣ намудани номзадии Эмомалӣ Раҳмон ба мансаби Президенти Тоҷикистон дастгирӣ намуданд.

Дар хабар омада, ки “ректори Академия, доктори илмҳои ҳуқуқшиносӣ, профессор Абдухалил Ғафурзода, раиси иттифоқи касабаи кормандони соҳаи маориф ва илм Рамазон Одиназода ва дигарон вобаста ба дастовардҳои даврони истиқлолият дар ҳамаи соҳаҳои хоҷагии халқи мамлакат сухан гуфтанд.”

Ба навиштаи “Ховар”, дар ин ҳамоиш тамоми ходимони илмии Академияи мазкур бо шиорҳои “Пешвои миллат- номзади арзанда”, “Поянда бод мактаби давлатдории Эмомалӣ Раҳмон!”, “Пешвои сулҳофару ваҳдатовар” ва “Тоҷикистон бо Пешвои миллат ба пеш!” миннатдории худро ба Эмомалӣ Раҳмон барои дастгириҳои пайвастааш баён доштанд.

Акс аз сомонаи “Ховар”

Коршиносони масоили сиёсӣ бар назаранд, ки ингуна нишастҳо ва ҷонибдориҳову шиорпартоиҳо аз ҷониби қишрҳои гуногуни кишвар дар Тоҷикистон маъмулӣ аст ва пеш аз ҳар интихоботе номзадии Эмомалӣ Раҳмонро ҷомаи қонунӣ мепушонанд. Ин навбат ҳам ки бошад ба монанди солҳои пешин ниҳодҳои гуногун то рӯзи баргузории анҷумани навбатии ҲХДТ нишастҳо доир намуда пешниҳоди иттифоқҳои касаби Тоҷикистонро ба қавле “якдилона” дастгирӣ мекунанд.

Як манбаъ бо шарти зикр нашудани номаш аз як ниҳоди илмии Тоҷикистон дар суҳбат ба “Аздо тв” гуфт: “Аҳли зиёи мамлакат имрӯзҳо вазифадор шудаанд, ки нишастҳои илмӣ баргузор намуда, зери унвонҳои зиёд оиди дастовардҳои президенти мамлакат Эмомалӣ Раҳмон бо мақолаву маърузаҳо суханронӣ кунанд”.

Ёдрас мекунем, ки Федератсияи иттифоқҳои касабаи мустақили Ҷумҳурии Тоҷикистон рӯзи 26-уми август зимни Анҷумани навбатии худ президенти кунунии Тоҷикистон Эмомалӣ Раҳмонро ҳамчун номзад аз тарафаи Иттифоқи касаба барои интихоботи президентии моҳи октябри соли ҷорӣ пешбарӣ карда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.