31.9 C
Dushanbe

Сафари президентҳои Лаҳистон, Литва, Латвия ва Эстония ба Украина

Имрӯз, 13-уми апрел Анҷей Дуда, раисиҷумҳури Лаҳистон, Эгилс Левитс, раисҷумҳури Латвия, Гитанас Науседа, раисҷумҳури Литва ва Алар Карис, раисиҷумҳури Эстония ба Киев сафар карданд.

Акс аз www.prezydent.pl

Дар ин бора Якуб Кумох, намояндаи дафтари раҳбари Лаҳистон имрӯз, 13-уми апрел хабар дод.

Кумох, ки раисиҷумҳури Лаҳистонро ҳамроҳӣ мекунад, мегӯяд: “Ҳадафи мо дастгирӣ кардани Президент Зеленский ва ҳомиёни Украина дар лаҳзаи ҳалкунанда барои ин кишвар аст”.

Ба гуфтаи ӯ, Лаҳистон ташкилкундаи ин сафар буда, ба Украина кумакҳои логистикӣ мефиристад ва барои таъмини амнияти ин ҳамсоякишвараш талош мекунад.

Кумох таъкид мекунад, ки “Кишварҳои соҳили Балтик шарикони аслии мо дар масоили амниятӣ дар минтақа ҳастанд. Мо тасмим гирифтем, ки якҷоя ба Киев биравем”.

Сафари раисони ҷумҳуриҳои Лаҳистон, Литва, Латвия ва Эстония ба Киев нахустин сафари сарони давлатҳо ба пойтахти Украина аз замони оғози ҳамлаи Русия аст. Дуда ва Науседа бори охир бо Зеленский дар остонаи ҷанг дар Киев мулоқот карда буданд.

Пештар Матеуш Мораветский сарвазири Лаҳистон бо ҳамтоёни худ аз Чехия ва Словения дар миёнаи моҳи март ба Киев рафта бо раисиҷумҳури Украина Владимири Зеленский мулоқот карда буданд.

Чанде пеш рӯзномаи “Bild” хабар дода буд, ки раисиҷумҳури Олмон Франк-Валтер Штайнмайер бо раисони ҷумҳуриҳои Лаҳистон, Литва, Латвия ва Эстония мехоҳад аз Киев боздид кунад, аммо раисиҷумҳури Украина Владимир Зеленский аз мулоқот бо Штайнмайер худдорӣ кард. Худи раисиҷумҳури Олмон Франк-Валтер Штайнмайер вақти боздидаш аз Лаҳистон ин гуфтаҳоро тасдиқ кард.

Ба навиштаи “Bild”, дар ҳоли ҳозир Владимир Зеленский ба далели равобити наздики сиёсатмадори олмонӣ бо Русия дар гузашта ва аз ҷумла пуштибонии ӯ аз тарҳи “Северный поток – 2” , намехоҳад бо Штайнмайер дар Киев мулоқот кунад.

Ҳамчунин дар ҳамин моҳ раиси Комиссияи Аврупо Урсула фон дер Ляйен, намояндаи Иттиҳодияи Аврупо Ҷозеп Боррел, садри аъзами Австрия Карл Неҳаммер ва сарвазири Бритониё Борис Ҷонсон аз Киев дидан карда буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.