31.9 C
Dushanbe

Раисҷумҳури собиқи Шри-Ланка аз Сингапур ба Тайланд паноҳ бурд

Ба гузориши “Reuters” собиқ раисҷумҳури Шри-Ланка Готабая Раҷапакса, ки дар моҳи июли соли ҷорӣ дар пай инқилоби мардумӣ аз мақомаш истеъфо дода буд, аз кишвари Сингапур ба Тайланд паноҳ бурдааст.

Акс аз “Reuters”

Ба иттилои манбаъ Готабая Раҷапакса, раиси ҷумҳури собиқи Шри-Ланка рӯзи панҷшанбеи 11-уми август бо парвози чартерӣ аз Сингапур ба фурӯдгоҳи Дон Муанги Бангкок парвоз кардааст.

Мақомоти Тайланд ворид шудани Готабая Раҷапаксаро ба кишварашон тасдиқ карда, гуфтанд, ки ӯ қасди паноҳандаи сиёсӣ шуданро надорад ва танҳо муваққатан дар ин кишвар мемонад.

Вазири хориҷаи Таиланд, Дон Прамудвинай гуфт, ки ҳукумати Шри-Ланка аз сафари Раҷапакса ба Таиланд пуштибонӣ мекунад ва афзуд, ки шиносномаи дипломатии раисиҷумҳури пешин ба ӯ имкон медиҳад, ки то 90 рӯз дар ин кишвар бимонад.

Готабая Раҷапакса пас аз эътирозҳои оммавии бесобиқаи моҳи гузашта дар Шри-Ланка, ки ба сабаби авзои бади иқтисодии ҳукуматаш дар ҳафт даҳсолаи ахир ба вуҷуд омада буд ва чанд рӯз пас аз ҳамлаи ҳазорон эътирозгар ба кохи раисиҷумҳур истеъфо дод ва аввал ба кишвари Малдив паноҳ бурд, сипас ба Сингапур ва инак муваққатан ба Тайланд паноҳ бурдааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҳушдори Белорус ба Ғарб: Хатти сурхро убур накунед!

Як мақомдори баландпояи низомии Белорус пас аз ҷобаҷакунии силоҳҳои ҳастаии Русия дар хоки ин кишвар ба Ғарб ҳушдор дод, ки хатти сурхро убуб накунанд.

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.