28.9 C
Dushanbe

Раиси Додгоҳи Хуҷанд равонаи зиндон шуд

Рӯзи 11-уми ноябри соли ҷорӣ Додгоҳи олии Тоҷикистон Ҳомидҷон Муҳаммадзода, собиқ раиси Додгоҳи шаҳри Хуҷандро барои 2 сол аз озодӣ маҳрум кард.

Ҳомидҷон Муҳаммадзода, собиқ раиси Додгоҳи шаҳри Хуҷанд. Акс аз Радиои Озодӣ

Тавре Радиои Озодӣ аз манобеаш хабар дод, Ҳомидҷон Муҳаммадзода ҳамроҳи як зердасташ бо номи Рустам Муҳаммадсаидзода бо иттиҳоми гирифтани пора дар ҳаҷми 2500 доллар гунаҳкор дониста мешаванд.

Гуфта мешавад, собиқ раиси Додгоҳи шаҳри Хуҷанд бо моддаи 319, қисми 3-и Кодекси ҷиноятии Тоҷикистон айбдор мешавад. Ин дар ҳолест, ки қисми 3-и моддаи мазкур маҳрум сохтан аз озодӣ ба муҳлати аз 5 то 10 солро пешбинӣ мекунад, аммо бо кадом сабабҳо собиқ раиси Додгоҳи Хуҷанд 2 сол ҳукм гирифтааст, маълум нест.

Моҳи апрели соли ҷорӣ расонаҳо хабар доданд, ки Ҳомидҷон Муҳаммадзода пас аз як амалиёти махсуси Ожонсии зидди фасоди кишвар нопадид шуд. Гумонҳо бар ин буд, ки ӯ фирор кардааст, аммо худи мақомот дар ин бора чизе намегуфт.

Ҳомидҷон Муҳаммадзода аз соли 1996 то инҷониб дар аксар шаҳрҳу ноҳияҳои вилояти Суғд дар мансаби раиси додгоҳ кор кардааст. Вай боре раиси Додгоҳи вилояти Суғд низ буд. Ӯ дорандаи ордени “Шараф” буда, додраси тахассуси дараҷаи якум мебошад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.