28.9 C
Dushanbe

Мулоқоти Раҳмон бо намояндагони порлумони Аврупо

Эмомалӣ Раҳмон, раисҷумҳури Тоҷикистон 22-юми феврали соли ҷорӣ дар Қасри Миллат дар Душанбе бо ҳайати порлумони Аврупо таҳти сарварии Девид Макаллистер мулоқот намуд.

Бино ба иттилои сомонаи расмии Президент, дар ин дидор масоили тавсеаи ҳамкориҳои Тоҷикистон ва Иттиҳодияи Урупо, аз ҷумла равобити байнипарлумонӣ баррасӣ шуд.

Зимни мулоқот ҷонибҳо масъалаҳои калидии равобити сиёсиву иқтисодӣ ва ҳамкорӣ дар соҳаи амниятро баррасӣ намуда, ҳамчунин доир ба истифодаи имкониятҳои васеъ барои ҳамкориҳои судманд дар бахшҳои гуногуни тиҷорат, иқтисод ва сармоягузорӣ табодули афкор намуда, ҳамчунин масъалаҳои татбиқи Стратегияи миллии рушди кишвар то соли 2030 ва Даҳсолаи нави байналмилалии “Об барои рушди устувор” баррасӣ намуданд.

Дар ин нишаст Эмомалӣ Раҳмон ва намояндагони порлумони Аврупо вазъи кунунии Афғонистонро баррасӣ намуда, масъалаҳои муборизаи муштарак бо таҳдиду хатарҳои глобалӣ баррасӣ гардида, идомаи шарикии ҷонибҳо дар чорчӯбаи барномаҳои БОМКА ва КАДАП зарур шумурда шуд.

Мулоқоти намояндагони порлумони Аврупо бо Эмомалӣ Раҳмон дар ҳоле сурат мегирад, ки вазъи ҳукуқи башар дар Тоҷикистон хеле бад арзёбӣ шуда, мақомот фишор болои мухолифон, боздоштҳои худсарона, шиканҷаи зиндониён ва фишор болои мардуми Бадахшонро рӯзҳои охир бештар кардааст. Дар ин маврид дар мулоқоти ҷонибҳо гуфта шудааст ё не, чизе дастрасӣ расонаҳо нест.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.