-3.1 C
Dushanbe

“Рейд”-и муҳоҷирон дар Челябинск

Мақомоти интизомии рус ба тафтиш ё рейди густардаи муҳоҷирони корӣ дар вилояти Челябински Русия оғоз кардаанд.

Бино ба иттилои дафтари матбуоти Сарраёсати Вазорати корҳои дохилии вилояти Челябинск, рейдҳо аз рӯзи сешанбе 11-уми апрел оғоз шуда, мақомоти интизомии рус дар Урали Ҷанубӣ ҷойи кор ва истиқомати муҳочиронро тафтиш мекунанд.

Рейдҳо бо иштироки ОМОН, кормандони воҳидҳои оперативӣ, Хадамоти амнияти федеролӣ (маъруф ба ФСБ) ва нерӯҳои марзбонӣ баргузор шуда, онҳо қонунӣ будани будубош дар Русия ва мавҷудияти иҷозатномаи кории муҳоҷиронро месанҷанд.  

Дар сурати ошкор шудани нақзи қонунҳои муҳоҷират, шаҳрвандони хориҷӣ ба ҷавобгарии маъмурӣ кашида шуда, масъалаи ихроҷи онҳо низ баррасӣ мешавад. Корфармоёне, ки аз меҳнати муҳоҷирон ғайриқонунӣ истифода мебаранд, ба маблағи то як миллион рубл ҷарима ва ё фаъолияти корхона то 90 рӯз боздошта мешавад.

Ин амалиёти тафтиши ногаҳонии муҳоҷирон (ё рейд) дар ин вилоят кай ба охир мерасад маълум нест. Гуфта мешавад, он дар пасманзари занозании гурӯҳии ҷавони тоҷику рус ва кушта шудани як наврас дар Челябинск сурат гирифта истодааст. 

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.