31.9 C
Dushanbe

Роҳи пулакии Душанбе-Хуҷанд ду рӯз боз баста аст

Ду рӯз мешавад, ки роҳи Душанбе-Хуҷанд баста аст ва ронандгон дар байни ин шоҳроҳ дармондаанд.

Ширкати IRS (Innovative Road Solutions LTD), ки масъули пулчинӣ ва нигоҳдории роҳи Душанбе-Хуҷанд-Чаноқ аст, дирӯз 16-уми январ ба далели фаромадани тарма ва шароити номусоиди ҳаво аз муваққатан баста шудани ин роҳ хабар дод.

Давоми ду рӯз аст, ки ҳаракати тамоми мошинҳо аз ҷониби Душанбе дар километри 39-ум ва аз тарафи Хуҷанд дар километри 81-уми роҳи Душанбе-Хуҷанд-Чаноқ масдуд аст.

Бино ба иттилои дафтари матбуотии IRS, дар ҳоли ҳозир кормандони ин ширкат ҳамроҳ бо дигар сохторҳои масъул тармаро бартараф намуда, роҳро тоза ва дар роҳҳо маводи зиддилағзиш мепошанд.

Ширкати IRS гуфтааст, ки аз кушода шудани роҳ гузориш хоҳанд дод.

Роҳи Душанбе – Чаноқ дар Тоҷикистон ягона роҳи пулакӣ маҳсуб мешавад, ки пойтахтро ба шимоли кишвар мепайвандад. Ин роҳ соли 2009 бо сармоягузории як ширкати чинӣ бо маблағи 296 млн доллари амрикоӣ бозсозӣ шуда, соли 2010 ба кор оғоз кард.

Мусофирон ва мусофиркашон ҳамеша шикоят мекунанд, ки масъулини ширкат аз мошинҳое, ки аз ин роҳ истифода мекунанд, маблағи ҳангуфт мегирад, аммо роҳ ба меъёрҳои байналмиллалӣ ҷавобгӯ нест. Ба хусус нақбҳои торику роҳҳои ноҳамвори он. Ва ҳамасола даҳҳо мошин дар ин роҳ садама мекунад ва ё аз баландӣ ба поён сарозер мешавад, ки боиси марги шаҳрвандон мегардад.

То ҳол ҳукумати Тоҷикистон моликони асосии ин ширкатро ошкор намекунад. Инчунин маълум нест, ки даромади ин роҳ дар куҷо ва чӣ гуна масраф мешавад.

Коршиносони мустақил ҳадс мезананд, ки зоҳиран даромади роҳи мазкур ба ҷайби яке аз домодҳои Эмомалӣ Раҳмон, Ҷамолиддин Нуралиев, муовини аввали раиси Бонки миллии Тоҷикистон меравад. Вале аз намояндагони Ҳукумат касе омода нест дар ин бора чизе бигӯяд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.

Русия мехоҳад бештар хориҷиёнро ба ҷанги зидди Украина барад

Дар наздиктарин фурсат дар Русия қонуни наве қабул мешавад,...

Оё низоми таҳсили 12-сола метавонад сифати таҳсилро беҳтар кунад?

Вазорати маориф ва илми Ҷумҳурии Тоҷикистон масъалаи гузариш ба низоми таҳсили 12-соларо ҷорӣ карданӣ аст.

Чаро кишварҳои ҳамсоя афғонҳоро ихроҷ мекунанд?

Ба иттилои мақомоти Толибон, Эрон зарфи як моҳ беш аз 500 ҳазор муҳоҷири афғонистониро ихроҷ кардааст.