Муҳоҷират

Русия 13 нафари дар ҷустуҷӯбударо ба Тоҷикистон истирдод кард

Додситонии кулли Русия хабар дод, 13 шаҳрванди Тоҷикистонро, ки дар ҷустуҷӯ қарор доштанд, ба мақомоти интизомии тоҷик супурдааст.

Бино ба иттилои Додситони кулли Русия, ҳамаи ин шахсон дар доираи “ҳамкории мутақобила бо мақомоти ҳифзи ҳуқуқи дигар кишварҳо дар мубориза бо ҷинояткорӣ” истирдод шудаанд.

Дар рӯйхат номи Ҷамшед Атоев, Муҳсинҷон Раҷабов, Зафар Қурбоналиев, Шоҳинҷон Нуров, Имомалӣ Розиқов, Мақсуд Холдорбеков ва Ҷамшед Каримов, Ҷом Гурезов,  Мисбоҳиддин Абдуллоев, Аҳмадбек Саидов, Руслан Саидов, Ҷамшед Муртазоев ва Муллоҳаким Султонов зикр шудаанд. Шахсони боздоштшуда бо иттиҳомҳои қаллобӣ, қочоқи маводи мухаддир, ғоратгарӣ, роҳзанӣ, фирор ва ҷонибдорӣ аз созмони террористии ДОИШ гумонбар дониста мешаванд.

Ба гуфтаи Додситони кулли Русия, ин афрод пас аз содир намудани ҷиноят аз мақомоти ҳифзи ҳуқуқ пинҳон шуда, дар пайгарди қонунӣ қарор доштанд.

Дар доираи қарордодҳои дуҷониба макони будубоши ин афрод дар қаламрави Русия муайян шуда, Додситони кулли Тоҷикистон барои истирдоди онҳо дархостҳои дахлдор пешниҳод намудааст.

Дар хабар гуфта мешавад, ки бо риояи чораҳои зарурии амниятӣ ҳамаи шаҳрвандони зикршуда ба ихтиёри мақомоти ҳифзи ҳуқуқи Тоҷикистон супорида шуданд.

Аммо назари худи боздоштшудаҳо ва ё наздикони онҳо дастраси расонаҳо нашудааст ва маълум нест, ки онҳо айбҳои эълоншуда алайҳашонро эътироф кардаанд ё на.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Муҳоҷират

Муҳоҷират

Ду интихоб барои муҳоҷирон: Ё ҷанг дар Украина ва ё истирдод ба Тоҷикистон

Тоҷикистон

Эътирози тоҷикон дар назди сафорати Қирғизистон дар Олмон

Муҳоҷират

Ҳушдори сафорат ба шаҳрвандон: Ба ҷанг наравед!

Муҳоҷират

Як тоҷикбачаи ронандаи таксӣ дар Маскав кушта шуд