Федератсияи футболи Русия (ФФР) масъалаи тарк кардани УЕФА ва пайвастан ба КФО-ро мавриди баррасӣ қарор медиҳад.
Кумитаи иҷрои Федератсияи футбооли Русия ба қасди пайвастан ба Конфедератсияи футболи Осиё қасд дорад масъалаи хориҷ шудан аз Созмони футболи Аврупо (УЕФА)-ро дар ҷаласаи навбатии худ баррасӣ кунад.
Бино ба иттилои расонаҳо, дирӯз, 27-уми ноябри соли 2022 Александр Дюков, раиси кумитаи иҷроияи ФФР дар суҳбат ба расонаҳо гуфт, “Кумитаи иҷроияи Федератсия футболи Русия масъалаи гузаштан ба Конфедератсияи футболи Осиёро дар ҷаласаи навбатии худ баррасӣ хоҳад кард.”
Панҷшанбеи 1-уми декбари соли ҷорӣ ҷаласаи навбатии Кумитаи иҷроияи Федератсияи футболи Русия баргузор мешавад ва қарор аст дар ин ҷаласа мавзӯи хориҷ шудан низ мавриди баррасӣ қарор бигирад.
Гуфта мешавад, пас аз оғози ҳамлаҳои Русия ба Украина кишварҳои зиёде, бахусус кишварҳои узви Иттиҳоди Аврупо ин ҳамлаҳои хунини Кримлен алайҳи Киевро маҳкум карда, то тавонистанд алайҳи Маскав таҳримҳои зиёдеро ҷорӣ карданд. Созмони Футболи Аврупо ҳам дастаҳои футболи Русияро аз ин созмон хориҷ кард, вале бо ин вуҷуд то ҳол ин кишварро узви хонаводаи Аврупо медонад.
Ҷорӣ шудани ин бастаҳои таҳримҳо ва дар инзиво қарор гирифтани Русия ба соҳаи варзиш, аз он ҷумла футболи он кишвар ҳам таъсири худро расонид. Ба ҳамин хотир Кумитаи иҷроияи Федератсия Футболи Русия қасд дорад бо пайвастан ба Конфедератсияи Футболи Русия дубора ба ФИФА боз гардад.
