28.9 C
Dushanbe

Русия тафсири Қуръон ва “Саҳеҳи Бухорӣ”-ро китобҳои экстремистӣ эълон кард

Вазорати Адлияи Русия аз 25-уми августи соли ҷорӣ китоби тафсири Қуръон аз Абдураҳмон бин Носир Ас-Саъдӣ ва “Мухтасари Саҳеҳи Бухорӣ” таълифи Аҳмад бин Абдуллатиф аз-Зубайдиро дар рӯйхати китобҳои экстремистӣ ворид кард.

Акс аз сомонаи “darzidnie.com”

Тавре

Акс аз сомонаи “darzidnie.com”

Ҳамчунин худи ҳамон рӯз ин вазорт китоби маҷмуе аз ҳадисҳои Паёмбар (с) бо номи “Мухтасари Саҳеҳи Бухорӣ” муаллифаш Имом Абул-Аббос Аҳмад ибни Абдуллатиф аз-Зубайдӣ, ки аз ҷониби Абдуллоҳ Нирш бо забони русӣ тарҷума шудааст, низ шомили китобҳои экстремистӣ кардааст.

Ин ниҳод мегӯяд, дар ин китобҳо ба ҷуз иқтибосҳои қуръонӣ (танҳо оятҳо) дигар ҳама навиштаҳояшон ҳамчун афкори экстремистӣ эътироф карда шудааст.

Дар сомонаи Вазорати адлияи Русия омада, ки ин кишвар дар асоси моддаи 13 Қонуни федеролӣ аз 25 июли соли 2002 № 114-ФЗ “Дар бораи мубориза ба фаъолиятҳои ифротгароёна”, банди 7-и Низомнома дар бораи Вазорати адлияи Федератсияи Русия, ки бо Фармони Президенти Федератсияи Русия аз 13.10.2004 № 1313 тасдиқ карда шудааст, Вазорати адлияи Русия вазифадор мешавад, ки рӯйхати федеролии маводи ифротгароёнаро баррасӣ, нашр ва дар интернет паҳн намояд.

Гуфта мешавад, номҳо ва аломатҳои махсуси маводи иттилоотӣ ба рӯйхати федералии маводи ифротгароёна бо қарори суд ворид карда мешаванд.

Инчунин Вазорати адлияи Русия мегӯяд, қонуни Федератсияи Русия барои паҳнкунии оммавии маводи ифротгароёна, ки ба рӯйхати федералии маводи ифротгароёнаи нашршуда дохил карда шудааст, инчунин истеҳсол ё нигоҳдории онҳо бо мақсади паҳнкунии оммавӣ ҷавобгарӣ ба назар гирифтааст.

Аммо мақомоти Русия дар бораи ин ки маҳз ҳамин китобҳоро чаро ва бо кадом далил шомили рӯйхати китобҳои экстремистӣ ва китобҳои дорои маводи ифротгароёна кардааст, чизе намегӯяд.

Дар рӯйхати китобҳои дорои афкори экстремистидоштаи Вазорати адлияи Русия инчунин китобҳои зиёдеро дидан мумкин аст, ки бештарашон чоп ва ё таълифи шахсиятҳои барҷастаи кишварҳои исломиянд ва он китобҳо дар ҳеч кишвари дунё ҳамчун китоби дорои афкори ифротгароёна шинохта нашудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.