-3.1 C
Dushanbe

Рӯзи Иди Қурбон дар Тоҷикистон маълум шуд

Шӯрои уламои Маркази исломии Тоҷикистон бо судури як қарор шанбеи ояндаро рӯзи Иди Қурбон эълон кард ва аз имомхатибони кишвар хост, ки дар бораи “сулҳу оромӣ” сухан гӯянд.

Акс аз Интернет

Имрӯз, 4-уми июли соли 2022, ҷаласаи навбатиии Шӯрои уламои Маркази исломии Тоҷикистон барои содир кардани қарор дар бораи таъйин намудани рӯзи Иди Қурбон дар шаҳри Душанбе баргузор шуд.

Дар кори ин ҷаласа, ки зери раҳбарии раиси Маркази исломии Тоҷикистон Саидмукаррам Абдуқодирзода гузаронида шуд, қайд гардид, ки “мувофиқи далелҳои илмӣ ва дар асоси хулосаи Институти астрофизикаи Академияи миллии илмҳои Ҷумҳурии Тоҷикистон рӯзи Иди саиди Қурбон дар кишвар ба рӯзи шанбе 9-уми июл рост меояд.”

Дар қарори Шӯрои уламои Маркази исломии Тоҷикистон таъкид карда шуд, ки:

1. Мувофиқи ҳисоби илмӣ Иди саиди Қурбон дар тамоми қаламрави ҷумҳурии Тоҷикистон рӯзи шанбе 9-уми июли соли 2022 таҷлил карда шавад.

2. Вақти баргузоршавии намози Иди саиди Қурбон соати 06:00 дақиқа муайян карда шавад.

Гуфта мешавад, ки дар ҷаласа раиси Шӯрои уламо Саидмукаррам Абдуқодирзода аз аъзои Шӯро ва имомхатибон талаб карда, ки дар мавъизаҳояшон роҷеъ ба “неъмати бебаҳои сулҳу оромӣ суханронӣ намуда, дар дастгирии ятимону пиронсолон ва табақаи ниёзманди ҷомеа, рушду шукуфоии кишвари азиз саҳми худро гузоранд.”

Иди саиди Қурбон яке аз ду идҳои мусалмонон аст, ки соле як маротиба дар рӯзи 10-уми моҳи зулҳиҷҷаи солшумории ҳиҷрӣ-қамарӣ баргузор мешавад ва қурбонӣ кардани гову гӯсфанд дар ин рӯзҳои ид яке аз ибодатҳост.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.