-2.1 C
Dushanbe

Рӯзи мотами қурбониҳои корона дар Қазоқистон

13 июли соли ҷорӣ дар Қазоқистон  рӯзи мотами фавтидагони коронавирус эълом шуд. Қосимҷомарт Тоқаев, президенти Қазоқистон гуфтааст ба хотири фавтидагони коронавирус дар кишвараш 13 июл рӯзи мотами миллӣ эълом мешавад.

“Ин вабо ба гирифтани ҷони қазоқистониҳо идома медиҳад. Пушти омори расмӣ фоҷиаи садҳо хонавода нуҳуфта аст: касе падар, каси дигар модар, бародар, хоҳар, писар ва ё духтарашро аз даст додааст. Ин фоҷиаи умумии мост. Бовар дорам, ҳар касе дар рӯзи мотам ҳар ҷо, ки бошад, хотираи рафтагонро гиромӣ медорад”, – мегӯяд Қосимҷомарт Тоқаев, президенти Қазоқистон.

Вай ҳамзамон ба шаҳрвандоне, ки наздиконашонро аз даст додаанд, изҳори ҳамдардӣ кард ва аз дигарон хост, ки “ноумед нашаванд ва худро ба руҳафтодагӣ насупоранд”. “Мо касеро дар мушкилот намегузорем ва барои ҳифзи ҳаёту сиҳатии ҳар кадом қазоқистонӣ талош мекунем”,- илова кард Тоқаев.

Раиси ҷумҳури Қазоқистон аз раҳбарони қаблии вазорати тандурустӣ интиқод кард. Ӯ дар паёми телевизионии худ дар бораи “хатоҳои система”-и раҳбарии пешини вазорати тандурустӣ ва кори сусти ҳокимони маҳаллӣ дар ин замина сухан гуфт. Рӯзи 25-уми июн вазири тандурустии Қазоқистон иваз карда шуд. Ба ҷои Елжан Биртанов, ки бинобар КОВИД-19 дар карантин ба сар мебруд, Алексей Сой вазири тандурустии Қазоқистон таъйин шуд.

Ба иттилои расмӣ, дар Қазоқистон 51 ҳазор кас ба коронавирус гирифтор ва 264 кас аз ин вабо фавтидааст. Сар аз 5 июл Қазоқистон ба далели авҷи мавҷи дувуми коронавирус чораҳои карантинро сахттар кард. Тибқи иттилои вазорати тандурустии Қазоқистон, то охири моҳи июн дар ин кишвар бар асари бемории пневмония 628 нафар ҷон бохтаанд.Эъломи баргузории маросими мотам барои қурбониҳои коронавирус аз сӯи раиси ҷумҳурии Қазоқистон  як иқдоми бесобиқа дар саросари ҷаҳон аст. Коршиносон ва таҳлилгарон бар ин назаранд, ки бо ин иқдом раиси ҷумҳурии феълии Қазоқистон аз як сӯ паёме аз баромадан аз зери султаи Назарбоевро дода аз тарафи дигар бар аҳамияти мубориза ва муқовимат бо коронавирус ишора карда истодааст.

Дар ҳоле, ки кишварҳои ҳамсояи Қазоқистон ва Узбакистон дубора аз тадобири шадиди карантина истифода мекунанд,Тоҷикистон баргузории тую маросимҳоро рухсат дода ва то андозае мардумро ба самти фориғболӣ ва бепарвоӣ савқ медиҳад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.