Ҳафтаи оянда Президенти Тоҷикистон зимни як сафари давлатӣ озими Қазоқистон мешавад.
Бино ба иттилои сомонаи Вазорати корҳои хориҷии Тоҷикистон, 3-уми майи соли 2023 Эмомалӣ Раҳмон дар раъси як ҳайати давлатӣ ба Қазоқистон сафар мекунад.
Ба қавли манбаъ, ин сафари давлатии Президенти Ҷумҳурии Тоҷикистон Эмомалӣ Раҳмон ба Ҷумҳурии Қазоқистон рӯзҳои 3-4 майи соли 2023 ба нақша гирифта шудааст.
Гуфта мешавад, “25-уми апрели соли 2023 дар Остона даври навбатии машваратҳои сиёсӣ байни Ҷумҳурии Тоҷикистон ва Ҷумҳурии Қазоқистон доир гардид. Ҳайатҳоро муовинони вазирони корҳои хориҷии ду кишвар Содиқ Имомӣ ва Ермухамбет Конуспаев роҳбарӣ карданд.” Ин ҳайатҳо барои омода кардани санаду протоколҳои зарурӣ барои анҷоми ин сафар гуфтугӯ карданд.