24.9 C
Dushanbe

Сафари кории хабарнигрони AZDA TV ба Норвегия

Рузҳои 2-6-ми Июни соли ҷорӣ, хабарнигорони Azda TV дар 16-мин “Форуми Озодии Осоло 2024” (OsloFreedomForum2024) ширкат карданд. Дар ин Форум ҳомиёни ҳуқуқи башар, рӯзноманигорон, мухолифони сиёсӣ ва собиқ зиндониёни сиёсӣ ва инчунин пайвандони онҳо ширкат ва суханронӣ карда, аз саргузашти худ нақл карданд.

Ин нишасти муҳими ҳуққи башарӣ ҳамасола дар шаҳри Ослои пойтахти Норвегия бо ҳимояти Вазорати хориҷаи Норвегия, HRF, NHC, ва дигар созмонҳо баргузор мегардад ва дар он аз фаъолони ҷомеаи шаҳрвандӣ, мухолфин аз кишварҳои мухталиф даъват мегардад. Имсол аз кишварҳои Венезуелла, Буливия, Некаргуе, Куба, Русия, Эрон, Белорус, Тоҷикистон, Ҳинд, Афғонистон, Фаластин, Ироқ ва дигар кишварҳои африқоӣ ширкат ва суханрони доштанд.

Нишасти имсола зери сояи ҷанги Ғазза қарор дошт, чун ҳамзамон бо барасмият шинохтани давлати Фаластин аз ҷониби Норевегия рост омад ва дар яке аз панелҳо вазири хориҷаи Норвегия ҷаноби Эспен Барт Эйде, сафир Мари Антуанетт Седин, сафири Фаластин дар Норвегия ва Исландия, Гершон Баскин, колоннанавис ва фаъоли сиёсии Исроил, Мустафо Барғути, роҳбари ибтикори миллии Фаластин дар мавриди ҷанги Ғазза ва ояндаи он суханронӣ ва изҳори назар карданд.

Ҳузури мухолифини Венезуела, Русия ва Эрон низ барҷаста буд дар ин нишаст.

Дар ҳояши ин нишаст, Муҳамадҷони Кабиров, сардабир, Фирӯзи Ҳаит хабарнигори Azda TV бо Сафири Норвегия дар Осиёи Маркази доктор Ҷон Микал Квистад, хонум Берит Линдеман Дабири кулли Кумитаи Ҳелсиникии Норвегия ва Иттиҳодияи рӯзноманигорони Норвегия (Ева Стабле, масъули умури байналмилалӣ ва Эспен Стенсруд мудири шуъбаи журналистикаи Иттиҳоди журналистони Норвегия) дидор ва гуфтгӯ доштанд.

Ҳайтаи Azda TV дар дидор бо Вазорати хориҷаи Норвегия ва дигар созмонҳои ин кишвар аз онҳо даъват кард, то барои озодии рӯзноманигорони зиндонии тоҷик талош кунанд ва инчуни аз расонаҳи тоҷики фаъол дар Аврупо ҳимоят кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.