Тоҷикистон

Сафари мазҳакавии Эмомалӣ Раҳмон ба вилояти Хатлон

Раҳбарияти вилояти Хатлон бархе деҳқононро муваззаф кардаанд, ки ҳангоми мулоқот бо Эмомалӣ Раҳмон бояд дар тан яктаҳи беқасаб ва тоқии нав дошта бошанд.

16-уми июни соли 2022 сафари Эмомалӣ Раҳмон ба вилояти Хатлон аз ноҳияи Ҷайҳун оғоз гардида, сипас дар ноҳияи Дӯстӣ ва инак дар ноҳияи Данғара идома дорад.

Дар ин сафари Президенти Тоҷикистон ба вилояти Хатлон, ки аз ноҳияи Ҷайҳун шуруъ шуд, Эмомалӣ Раҳмон нахуст аз барафрохтани Парчами давлатии Тоҷикистон дар маркази ноҳия кораш оғоз кард.

Дар ин сафари Эмомалӣ Раҳмон ба ноҳияҳои Ҷайҳун ва Дӯстӣ дида мешавад, деҳқононро натанҳо маҷбур кардаанд, ки дар тан яктаҳии беқасаби нав дошта бошанд, балки тоқии нав ҳам дар байни заминҳо дар сар дошта бошанд.

Эмомалӣ Раҳмон зимни ин сафари худ аз боздиди хоҷагии деҳқонии "Ашӯралӣ"-и ноҳияи Ҷайҳун, хоҷагии деҳқонии фермерии Ҳоҷӣ Юсуф, хоҷагии деҳқонии ба номи "Муҳаммад Осимӣ" дар ноҳияи Дӯстӣ то хоҷагии деҳқонии ба номи "Сомонҷон"-и Данғара бо деҳқонон мулоқот кард.

Инчунин дар ҳама аксу наворҳое, ки дар байни заминҳои полизӣ аз дидору мулоқотҳои Эмомалӣ Раҳмон бо деҳқонон бардошта шудааст, ба вузӯҳ дида мешавад, ки фаршҳои сабзи 2x20/4x30 паҳн карда шудааст, то мабодо кафшҳои қимати Президенти Тоҷикистон гардолуд нашаванд.

Дар ин сафари Эмомалӣ Раҳмон, ки ду рӯз боз дар вилояти Хатлон идома дорад, саҳнаҳои мазҳакавии дигаре низ ба чашм мехӯрад, вале ҷолиб он ки раҳбарияти вилояти Хатлон ҳатто бархе чиниҳои деҳқонро, ки ба киштукори маҳсулоти полизӣ машғул ҳастанд, ба хотири фарқ гузоштан байни онҳо ва деқонони тоҷикистонӣ яктаҳии тоҷикии беқасаб пӯшондаанд.

Гуфта мешавад, сафарҳои ахири Эмомалӣ Раҳмон ба шаҳру ноҳияи Тоҷикистон дар ин чанд соли ахир пеш аз он ки ҳамчун сафарҳои корӣ ва барои рушд ва пешрафтӣ соҳаҳои мухталифи ҷомеа равона шаванд, аксари онҳо ба сафарҳои таблиғотӣ ё худ "селфигирӣ" дар ҷойҳои мухталиф ва бо мардумони касбукори гуногун тағйир карда ва дар хеле мавридҳо ба саҳнаҳои хуби мазҳакавӣ низ барои мардум табдил шудаанд.

Амруллоҳи НИЗОМ, махсус барои Аздо тв

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Сиёсат

Дидори Фарҳод Салим бо Рафаэл Гроссӣ дар Вена

Тоҷикистон

Баргузории маҷлиси Ҳукумати Тоҷикистон дар Душанбе

Тоҷикистон

Мулоқоти Фарҳод Салим бо Питер Лански-Тиффентал

Тоҷикистон

Болоравии қурби пули миллӣ-сомонӣ дар баробари арзҳои хориҷӣ