28.9 C
Dushanbe

Сафари намояндаи САҲА ба Тоҷикистон

Намояндаи Созмони Амният ва Ҳамкории Аврупо дар умури расонаҳо ва озодии баён ба Тоҷикистон сафар мекунад.

Бино ба иттилои сомонаи Созмони Амният ва Ҳамкории Аврупо, имрӯз, 3-уми октябри соли 2022 намояндаи Созмони Амният ва Ҳамкории Аврупо дар умури расонаҳо ва озодии баён хонум Тереза Рибейро бо як сафари расмӣ ба Тоҷикистон меравад.

Ба қавли манбаъ, қарор аст хонум Тереза Рибейро дар ҷараёни ин сафари худ бо мақомоти баландпоя, инчунин намояндаҳои ҷомеаи шаҳрвандӣ ва идораҳои мустақили Васоати ахбори оммаи Тоҷикистон дидор ва мулоқот кунад.

Гуфта мешавад, ин сафари чоррӯзаи хонум Тереза Рибейро дар ҳоле ба Тоҷикистон анҷом мешавад, ки имсол намояндаҳои расмии кишварамон дар ҷаласаҳои ин созмон оид ба ҳуқуқи инсон дар шаҳри Варшава ширкат накарданд.

Инчнуин бархе аз намояндаҳои ҷомеаи шаҳрвандӣ ва расонаҳои Тоҷикистон, ки солҳо боз аз ҷониби созмонҳои аврупоӣ маблағгузорӣ мешаванд ва тибқи маъмул дар нишастҳои солона САҲА оид ба ҳуқуқи инсон ширкат мекарданд, вале имсол дар ҷаласаҳои он дар Варашава ҳузур надоранд, ба ҳамин хотир дида мешавад, ки Тоҷикистонро дар ин ҷаласаҳо танҳо намояндаҳои мухолифин намонядагӣ мекунанд.

Гуфта мешавад, 30-уми сентябри соли ҷорӣ дар ин ҷаласаҳои САҲА масоили марбут ба расонаҳо ва озодии баён мавриди баҳс қарор гирифта буд, Azda tv низ дар ҳамкорӣ бо Созмони Ҳелсинкӣ нишасти вижаеро таҳти унвони “Вокунишҳо ба саркӯби расонаҳо дар Тоҷикистон” бо ҳузури намояндаҳои САҲА баргузор карда буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.