Дар шаҳри Самарқанди Узбекистон нишасти навбатии вазирони корҳои хориҷии кишварҳои Осиёи Марказӣ ва Иттиҳоди Аврупоро баргузор мешавад.
Қарор аст рӯзҳои 17-18-уми ноябри соли 2022 дар шаҳри Самарқанд нишасти навбатии вазирони корҳои хориҷии кишварҳои Осиёи Марказӣ ва Иттиҳоди Аврупо баргузор шавад.
Гуфта мешавад, Ҷозеп Боррел, Намояндаи олии Иттиҳодияи Аврупо дар умури хориҷӣ бо ҳамтоёни худ аз Қазоқистон, Қирғизистон, Тоҷикистон, Туркманистон ва Узбекистон дар шаҳри Самарқанд мулоқот мекунад.
Дар ҳамин ҳол Дидбони ҳуқуқи башар (Human Rights Watch) бо нашри номаи боз аз раҳбарияти Иттиҳоди Аврупо хостааст, ки дар рафти ин нишаст, масъалаи ҳуқуқи башар, таъмини озодиҳои шаҳрвандӣ, боздоштҳои ғайриқонунӣ ва шиканҷаи эътирозгарон, рӯзноманигорон ва блогерони боздоштшударо дар кишварҳои Осиёи Марказӣ ба миён гузорад.
Инчунин дар ин нома таъкид шудааст, ки “Агар Иттиҳоди Аврупо мехоҳад дар Осиёи Марказӣ шарикони босуботе дошта бошад, бояд аз ҳукуматҳо талаб кунад, ки аз истифодаи зӯроварии аз ҳад зиёд худдорӣ кунанд ва масъулиятро барои қонуншиканиҳои ҷиддӣ таъмин намоянд.”
Гуфта мешавад, дар моҳи октябри соли ҷорӣ низ ҳангоми мулоқоти сарони кишарҳои Осиёи Марказӣ ва Иттиҳоди Аврупо чор созмони ҳомии ҳуқуқи башар бо ирсоли номае аз Президенти Иттиҳоди Аврупо хоста буданд, ки ба ин масоилро ба миён гузорад, аммо бо вуҷуди матраҳ шудани ин масоил ҳамоно вазиъият зиёд фарқ намекунад, балки дар Тоҷикистон вазъи ҳуқуқи башар аз гузашта дида, бадтар арзёбӣ мешавад.
