Сиёсат

"Савғотӣ"-и Эмомалӣ Раҳмон ба раҳбари Эрон

Сафари дурӯзаи Эмомалӣ Раҳмон баъд аз 9 соли вақфа ба Эрон ва ҷомадонҳои махсуси ӯ дар ин кишвар хабарсоз шуд.

29-уми майи соли 2022 Президенти Тоҷикистон бо як сафари расмӣ дар раъси як ҳайъати баландпояти сиёсиву иқтисодии кившар вориди Теҳрон шуд.

Президенти Тоҷикистон Эмомалӣ Раҳмон дар фурӯдгоҳи Меҳрободи Эрон бо истиқболи вазири нерӯи Ҷумҳурии Исломии Эрон Алиакбар Меҳробиён рӯбарӯ шуд.

Дар фурӯдгоҳи Меҳробод дар чамши дурбини расонаҳо ҷомадонҳои махсусе дар дасти яке аз муҳофизони Эмомалӣ Раҳмон дида шуд, ки дар сафарҳои пешину ӯ ба хориҷ аз кишвар камсобиқа будааст.

Акс аз Хабаргузории "Форс"-и Эрон

Субҳи имрӯз, 30-юми майи соли ҷорӣ Сайид Иброҳим Раисӣ тайи як маросими расмӣ дар назди кохи Президенти Ҷумҳурии Исломии Эрон раиси ҷумҳури Тоҷикистон Эмомалӣ Раҳмонро расман пазироӣ кард.

Дар рафти ин пазироӣ дар наворҳо дида мешавад, ки нахустин коре, ки Эмомалӣ Раҳмон баъд аз адои салом бо Иброҳим Раисӣ анҷом дод, ин даст бурдан ба ҷайби "костюм"-ам буд, то хотираш ҷамъ шавад, ки матни суханрониаш ҳаст ё хайр?

Эмомалӣ Раҳмон одат кардааст, ки матни суханрониҳои худро дар ҳамагуна маросими расмӣ ва маҷлисҳои ҳукуматӣ аз рӯи коғаз бихонад ва дар муддати наздик ба се даҳаи раҳбариаш ин таҷриба ҳам борҳо сурат гирифта, ки ҳар вақте берун аз матни таҳия шуда, сарашро бардошта хориҷ аз протколҳои расмӣ чизе бигӯяд, ба воқеияти ҳол ва тарзи бархӯрадаш бо мардум ва ё расидагӣ ба мушкилоти ҷомеа наздиктар мебошад.

16-уми сентябри соли 2021 Сайид Иброҳим Раисӣ, Президенти Эрон бо даъвати расмии Эмомалӣ Раҳмон барои иштирок дар нишасти сарони кишварҳои узви Созмони Ҳамкориҳои Шанхай (СҲШ) ва дидору мулоқотҳои расмӣ нахустини сафари расмии худро пас аз расидан ба мақоми раиси ҷумҳурӣ аз Тоҷикистон оғоз карда буд.

Бо ин вуҷуд, сафари Эмомалӣ Раҳмон дар ҳоле ба Эрон сурат гирифта, ки тайи ду ҳафтаи ахир дар Вилояти Мухтори Кӯҳистони Бадахшон даҳҳо нафар аз эътирозгарони мусолиматомез тавассути мақомоти қудратӣ кушта ва захмӣ шуд ва беш аз 150 каси дигар боздошт гардид.

Инчунин террори шаҳид Мамадбоқир Мамадбоқиров, яке аз раҳбарони маҳаллӣ дар ин вилоят дар расонаҳои эронӣ ҳамчун "яке аз раҳбарони шиаёни Тоҷикистон" бозтоби густурдае доштааст.

Эмомалӣ Раҳмон пас аз 18 соли имзои Созишномаи истиқрори сулҳ ва ризоияти миллӣ дар Тоҷикистон тавонисти рақиби худ ва яке аз тарафҳои муқтадири Иттиҳоди нерӯҳои опазитсиюни Тоҷикистон (ИНОТ), Ҳизби наҳзати исломии Тоҷикистон (ҲНИТ)-ро амалан аз саҳнаи сиёсӣ ҳазф кунад, аксари раҳбарони онро зиндонӣ ва мобақиро фирорӣ диҳад ва Эронро кишвари ҳомии "терроризим", даст доштан дар қатлҳои занҷираӣ ва тарҳрезу маблағузори ҳодисаҳои хунин дар Тоҷикистон муаррифӣ намояд.

Аммо имрӯз Эмомалӣ Раҳмон дар кулвораш дасти кам парвандаи зиндонӣ кардани 5 (панҷ) узви хонаводаи марҳум Устод Сайид Абдуллоҳи Нурӣ, муассиси ҲНИТ ва дар гузашта раиси ИНОТ-ро, ки бо кафолату замонати пойдории сулҳу суботи сиёсӣ дар Тоҷикистон, аз он ҷумла зери фишору фиребҳои мақомоти эронӣ зери созишномаи сулҳ имзо гузошта буд, ҳамчун "савғотӣ" ба Алии Хоманаӣ, раҳбари Ҷумуҳурии исломии Эрон бурдааст.

Амруллоҳи Низом, махсус барои Аздо тв

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Сиёсат

Тоҷикистон

Баргузории маҷлиси Ҳукумати Тоҷикистон дар Душанбе

Тоҷикистон

Мулоқоти Фарҳод Салим бо Питер Лански-Тиффентал

Сиёсат

ВКХ: "Селфӣ" ё намоиши тағйири ранги парчамҳо

Сиёсат

ПМТ: қатлу террорҳо дар ВМКБ-ро маҳкум кард