Муборизаи cокини шаҳри Хуҷанди вилояти Суғд, Холматова Маърифатхон барои дарёфти ҳақи худ бо мақомот идома дорад. Ӯ пештар 21 маротиба ба мақомоти кишвар номаи шикоятӣ навишта, хостааст то масъулон ба додаш бирасанд, вале то ҳол ҷавоби қонеъкунандае нагирифтааст.
Ба гуфтаи ин сокин, ҷавоби мақомот ҳамеша якҷониба буда, қазяро аз решааш намеомӯзанд. Инак ин сокин мактуби 22-юмашро ба унвони раиси Дастгоҳи раисҷумуҳур, Озода Раҳмон навишта, аз ӯ мехоҳад дар қазияаш дахолат намояд то ҳақи худро чунон ки додгоҳ муқарар карда, ба даст биорад.
Сомонаи “Аздо тв” пештар аз қазияи ин сокини Хуҷанд гузориш дода буд ва ҳоло дигарбора Холматова Маърифатхон ба уновни “Аздо тв” нома ирсол намуда хостааст, то мо онро ба гуши масъулин бирасонем, агар ки мешунаванд.
Бояд гуфт, ки Холматова аз молики “Бозори Сино”-и шаҳри Хуҷанд, шаҳрванд Юлдошев Азим шикоят дорад. Ба қавли ин соҳибкорзан, молу мулки ӯ ва дигар тоҷирони “Бозори Сино” бар асари сӯхтор несту нобуд шуд. Мақомоти дахлдор пас аз тафтишот муайян намуданд, ки сабаби сӯхтор хунукназарии худи молики бозор будааст ва зарарро бояд пардохт мекард. Ин сокини Хуҷанд мегӯяд, бо вуҷуди он ки ҷиноятҳои Юлдошов А. тасдиқ шуда буд ва мебоист, ки зарари тоҷиронро пардохт менамуд, аммо пас аз чанде аз ҷониби муфаттишон ва прокуророн дидаву дониста ӯ бегуноҳ бароварда шуд ва баракс ду ҷавонеро, ки аслан ба ин амали ҷиноятӣ ҳеч рабте надоштаанд, туҳмат намуда бурда ҳабс карданд.
Ба иддаои шаҳврванд Холматова барои он ки Юлдошевро бегуноҳ бароранд ва аз ҷавобгарии ҷиноятӣ озодаш бикунанд, бо маслиҳати пешакӣ прокурору муфаттишон қарор бароварданд, ки Юлдошев Азим молики “Маркази савдои “Сино” набуда, ӯ наметавонад зарарҳоро барқарор кунад. Ӯ навиштаст:
“Прокурори шаҳри Хуҷанд Воҳидов Ҳ. С ба (араизаи шикоятии) ман санаи 26.10.2018 с таҳти рақами №12/323а-18 ҷавоб додааст, ки Юлдошов А. роҳбар набуда, балки иҷорагар аст. Чизе ки боси тааҷуби ин даъвогар шуда ва ӯ мепурсад, ки магар иҷорагир фармон мебарорад ё дар вилояти Суғд ин корҳо шуданаш мумкин?”
Ин дар ҳолест, ки Шӯъбаи тафтишотии РВКД вилояти Суғд дар парвандаи ҷиноятии №51900 дар ҷилди 11 пас аз санҷиши шиносномаи Юлдошев Азим соҳибмулк ва раиси “Маркази савдои Сино” буданашро тасдиқ намуда буд.
Ногуфта намонад, ки то ҳол дар дасти “Аздо тв” оиди ин қазия хабари як тараф расидааст. Дар сурати расидани хабари тарафи муқобил, онро низ нашр хоҳем кард.
