32.9 C
Dushanbe

Идомаи ҷойивазкунӣ. Кӣ рафту кӣ монд?

Имрӯз, 11-уми январи соли ҷорӣ чанд тан аз мансабдорони ҳукуматӣ аз вазифаҳои қаблиашон барканор ва ба вазифаҳои нав таъйин шуданд.

Дар пайи ҷойивазкунии имрӯза Умед Гуреззода ва Дилшод Одиназода ду муовини Рустами Эмомалӣ, раиси шаҳри Душанбе, инчунин Фатҳиддин Усмонзода, раиси ноҳияи Фирдавсӣ ва Нусратулло Салимзода, раиси ноҳияи Синои пойтахт ва муовинаш Руслан Раҷаб аз вазифа барканор шудаанд.

Умед Гуреззода, ҳамакнун собиқ муовини шаҳрдор ба ҷои Фатҳиддин Усмонзода раиси ноҳияи Фирдавсӣ, Руслан Раҷаб ба ҷои Шариф Самӣ раиси ноҳияи Исмоили Сомонӣ ва Тоҷиддин Саидзода, ки то имрӯз раҳбари Дастгоҳи раиси шаҳри Душанбе буд, раиси ноҳияи Синои шаҳри Душанбе таъйин гардидаанд.

Ҳамчунин, як манбаъ аз Ҳукумати вилояти Хатлон ба “Азия-Плюс” хабар додааст, ки Ҷамшед Саидзода, раиси ноҳияи Ёвон низ аз вазифа озод ва ба ҷои ӯ Бахтиёр Шарифӣ, ки то ин дам муовини вазири саноати Тоҷикистон буд, таъин шудааст.

Сиҷоуддин Саломзода, раиси шаҳри Бохтар аз вазифаи озод ва ба ҷои ӯ Файзулло Баротзода, ки то ин дам раиси ноҳияи Лахш буд ба вазифа омадааст.

Баротзодаро дар вазифаи раиси ноҳияи лахш Киромиддин Холзода собиқ муовини раиси ноҳияи Данғара иваз кардааст. Азизулло Исматзода, раиси ноҳияи Рӯдакӣ низ аз вазифааш барканор шудааст.

Ҳамчунин, Нурулло Мирзозода, ки то ин дам ҳамчун муовини раиси шаҳри Бохтар кор мекард, раиси ноҳияи Ҳамадонӣ таъин шудааст.

Маълум нест, ки Сиҷоуддин Саломзода, Дилшод Одиназода ва Фатҳиддин Усмонзода ба чӣ вазифаи нав  таъин шудаанд.

Бино ба иттилои манобеи “Asia-Plus” Самӣ Шариф, ки аз соли 2017 раиси ноҳияи Исмоили Сомонии шаҳри Душанбе буд, бо сабаби расидан ба синни нафақа аз вазифа озод гардид.

Аммо “Бомдод” дар истинод ба манобеаш хабар медиҳад, ки Рустами Эмомалӣ раиси ноҳияи Исмоили Сомонӣ Шариф Самиро барои “ноуҳдабароӣ” дар рафъи оқибатҳои барфрезии шадид аз кор пеш кардааст.

Номи Шариф Самӣ, собиқ раиси шаҳри Бохтар ва Барқи тоҷик моҳи ноябри соли гузашта ар пайванд ба занозании писараш дар як тарабхона расонаӣ шуда буд. Ба иттилои дарёфтӣ, Зафарҷон Самӣ, масъули толори VIP-и Фурудгоҳи Душанбе ва писари Шариф Самӣ дар он занозанӣ захмӣ шуда буд.

Пештар аз ин дар ҳукумати кишвар чанд тағйирот ё ҷойивазкунии дигар низ сурат гирифта буд.

Тибқи маъмул дар Тоҷикистон ҳар сол моҳи январ тағйироти кадрӣ сурат мегирад, аммо аксари коршиносон ин тағйиротро шаклӣ медонанд. Зеро ба гуфтаи онҳо, одатан Эмомалӣ Раҳмон дар тақсимоти мансабҳо ихтисосу донишу маҳоратро меъёр қарор намедиҳад, балки меъёр дар интихоби кадрҳо бештар шинос будану наздик будан ба хонавода аст.

Коршиносон тағйироти кадрӣ дар вазорату кумитаҳои Тоҷикистонро танҳо ҷойивазкунӣ меноманд, чун аксар мақомдорон аз як вазифа барканор шуда, бидуни дар назар гирифтани дастовардҳои шахсӣ ва донишу маҳорат ба вазифаи дигар таъйин мегарданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.