27.9 C
Dushanbe

Шиддат гирифтани танишҳои лафзӣ байни Покистон ва Афғонистон

Авҷ гирифтани танишҳои лафзӣ байни ҳукуматдорони Покистон ва Афғонистон хеле аз муҳоҷирон ва тоҷиронро нигарон кардааст.

Бино ба иттилои расонаҳо, 12-уми сентябри соли 2023 Вазорати корҳои хориҷии Покистон дар вокуниш ба як баёнияи Вазорати корҳои хориҷии ҳукумати сарпарасти Толибон дар Афғонистон посух дод.

Дар ин вокуниши Вазорати корҳои хориҷии Покистон таъкид шудааст, ки ҷониби Афғонистон хуб медонад, ки гузаргоҳи марзии “Турхам” чиро ба сурати муваққат баста шудааст. Исломобод ба Кобул ҳушдор додааст, ки тирандозиҳои бедалели нерӯҳои Афғонистон ба самти нерӯҳои Покистон “аносири террористӣ”-ро ҷасур мекунад.

Аммо Вазорати корҳои хориҷии ҳукумати Толибон дар Афғонистон субҳи 9-уми сентябри соли ҷорӣ бо нашри як баёния гуфта буд, “нерӯҳои марзбонии Покиситон замоне ба нерӯҳои марзбонии Афғонистон тирандозӣ карданд, ки машғули тармими як истгоҳи амниятӣ буданд ва он солҳо қабл сохта шуда буд.

Вазорати корҳои хориҷии Афғонистон дар идома афзуда, ки ҷониби Покистон бар хилифи ҳама тааҳуддоти қаблӣ ва бо баҳонаҳои мухталиф дар гузаргоҳҳои сарҳадӣ ва бандари Карочӣ монеи сари вақт интиқол додани молу колоҳои тиҷоратии Афғонистон, аз ҷумла меваҳо мешавад, ки тоҷирони ду кишвар аз он зарар мебинанд.

Гузаргоҳи марзаии “Турхам”-и Покистон чоршанбеи ҳафтаи гузашта, пас аз як задухӯрди мусаллаҳона байни марзбонони покистонӣ ва афғонистонӣ баста шуд ва то ҳол боз нашудааст. Дар бораи сабабҳои баста шудани он ҳар ду ҷониб якдигарро ба оғози тирандозӣ муттаҳам мекунанд. Иддаое, ки ҳеч яке аз ҷонибҳо онро эътироф намекунад.

Бар иловаи тоҷирони афғонистонӣ ва покистонӣ аз масири гузаргоҳи марзии “Турхам”, ҳамзамон тоҷирон ва собиҳкорони Тоҷикистону Узбекистон ва дигар кишварҳои Осиёи Марказӣ низ хеле аз молу колоҳои худро то ба Покистону Ҳидустон ва аз тариқи роҳҳои заминӣ ва барҳӣ ва ба дигар кишварҳо интиқол медиҳанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.

Мулоқоти Эмомалӣ бо Дабири кулли СММ

Раисҷумҳури Тоҷикистон Эмомалӣ Раҳмон дар Ню-Йорк бо Дабири кулли Созмони Милали Муттаҳид Антониу Гутерриш мулоқот кард.

Озодии 10 зиндонӣ бо пардохти 6 миллиард доллар

10 нафар аз зиндониёни эронӣ ва амрикоӣ бо "пардохт"-и 6 миллиард доллар озод шуданд.

Зеленский ҷаҳонро аз оғози ҷанги ҷаҳонии сеюм ҳушдор дод

Владимир Зеленский, раисҷумҳури Украина 17-уми сентябр дар мусоҳибае бо...