28.9 C
Dushanbe

Аввалин имомхатиби зиндонии тоҷик дар “Рӯйхати қурбониён” ворид шуд

Камиссия Иёлоти Муттаҳидаи Амрико дар умури озодии мазҳабии байналмиллалӣ Маҳмадсодиқ Сайидов, имомхатиби зиндонии шаҳри Кӯлобро дар “Рӯйхати қурбонинён” ворид кардааст.

КИМА дар умумри озодии мазҳабӣ дар изҳороташ меорад, ки мақомоти Тоҷикистон Маҳмадсодиқ Сайидовро бегуноҳ ва бидуни исботи ҷурме зиндонӣ намудаанд.

Дар изҳороти комиссия зикр мешавад, ки 5 марти соли 2021 Сайидов, имохатиб пас аз он боздошт шуд, ки ӯ аз хондани хутбаи давлатӣ (манзур ҳамон варақаест, ки аз ҷониби Кумитаи дини Тоҷикистон барои хондан дар хутба ба имомхатибон дода мешавад) дар масҷиди худ сарпечӣ кард.

“Сайидов 4-уми июни соли 2021 ба 5 соли зиндон маҳкум шуд. Дар ҳоле ки иттиҳомоти зидди ӯ рӯшан нест, “Форуми 18” хабар медиҳад, ки додрас ӯ ва ду нафари дигарро ба “якҷоя амал ва ширкат кардан дар созмони динии ифротӣ” муттаҳам кардааст.”, омадааст дар изҳороти комиссия.

Маҳмадсодиқ Сайидови 28-сола аввалин имомхатибест, ки аз Тоҷикистон дар “Рӯйхати қурбониён”-и комиссияи мазкур ворид гаштааст. Соли гузашта КИМА дар умури озодии мазҳабӣ аз Тоҷикистон як узви зиндонии “Шоҳидони Яҳво”-ро низ ворид карда буд.

Маҳмадсодиқ Саидов имомхатиби масҷиди маҳаллаи “Нонвойи поён”-и шаҳри Кӯлоб буд. Мақомоти амниятии кишвар ӯро моҳи марти соли 2021 дастгир ва моҳи июл бо иттиҳоми ҳамкорӣ бо сомонаи “Ислоҳ” барои 5 сол аз озодӣ маҳрум кард. Мудири сомонаи “Ислоҳ” Муҳаммадиқболи Садриддин ҳамкорияш бо ин имомхатибро рад карда буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.