-4.6 C
Dushanbe

Содироти якмоҳаи барқи Тоҷикистон ба кишварҳои ҳамсоя чӣ миқдор аст?

Бино ба навиштаи сомона “Азия-Плюяс”, дар моҳи октябри соли равон Тоҷикистон ба кишварҳои ҳамсоя ба миқдори 2 млн доллар нерӯйи барқ содир кардааст, ки нисбат ба моҳи октябри соли 2019 1,6 млн доллар камтар гуфта шудааст.

Дар мавриди ба кадом кишварҳо содир шудани нерӯйи барқ маълумот дода нашудааст. Вале бештари барқ ба Афғонистон, Узбкистон ва Қирғизистон фурӯхта мешавад.

Интиқоли нерӯйи барқ ба кишварҳои ҳамсоя дар ҳолест, ки сокинони кишвар аз камбуди барқ ва ҷорӣ гардидани лимит дар сартосари кишвар шикоят мекунанд. Масъулони ширкати “Барқи тоҷик” гуфтаанд, ки қатъ кардани барқ ба таъмири истгоҳҳои барқӣ ва турбинаҳои обанборҳо вобаста аст, ки тӯли ду моҳ боз ва то ҳол таъмир идома дорад.

Ёдовор мешавем, ки чандест дар аксар манотиқи кишвар мисли солҳои пешин лимити барқ ҷорӣ шудааст. Сокинон аз он шикоят доранд, ки дар як шабонарӯз аз 8 то 10 соат барқ доранд, ҳатто дар баъзе минтақаҳо аз ин ҳам камтар барқ дода мешавад.

Ин дар ҳолест, ки Эмомалӣ Раҳмон борҳо дар суханрониҳояш гуфта буд, ки дигар лимити барқ аз байн бардошта шудааст ва бебарқиҳои зимистонаро ба афсона ташбеҳ карда буд.

Вале имрӯзҳо дида мешавад, ки дар баробари ба истифода додани ду чархаи нерӯгоҳи Роғун, ки як қисми маблағи бунёдаш аз ҳисоби сокинони кишвар ҷамъ гардидааст, боз ҳам камбуди барқ дар кишвар бараъло мушоҳида мешавад. Сокинони биноҳои баландошёна дар вилоятҳои Суғду Хатлон низ аз бебарқӣ дар хонаҳои бетонӣ ҳезум дароварда оташдон насб кардаанд, то хонаҳояшон гарм шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.