Сарони Тоҷикистону Қирғизистон дар суҳбати телефонии худ дар бораи “ҷанбаҳои мубрами робитаҳои дуҷониба” гуфтугӯ карданд.
Бино ба иттилои Хадамоти матбуоти Президенти Тоҷикистон, имрӯз, 27-уми июли сооли 2022, Эмомалӣ Раҳмон, Презединти Тоҷикистон бо Содир Ҷабборов, Президенти Қирғизистон суҳбати телефонӣ анҷом доданд.
Ба гуфтаи манбаъ, “дар рафти суҳбат сарони ду давлат муҳиммияти пешбурди минбаъдаи тамоми маҷмӯи муносибатҳои ҳамкории Тоҷикистону Қирғизистонро дар маҷрои ҳусни ҳамҷаворӣ ва созандагӣ таъкид намуданд.”
Инчунин ҷонибҳо оид ба масъалаҳои алоҳидаи минтақавӣ ва байналмилалӣ табодули афкор анҷом дода, изҳори умедворӣ карданд, ки “саъю талошҳои муштарак”-и онҳо барои барқарории муносибатҳо натиҷа медиҳад.
Гуфтанист, Хадамоти матбуоти Президенти Қирғизистон ҳам бо нашри ин хабар таъкид карда, ки “сарони давлатҳо ба мувофиқа расиданд, ки муколамаи фаъоли сиёсиро, ки ба таҳкими ҳамсоягӣ ва бародарии наздики ду давлат ва ду халқ нигаронида шудааст, идома диҳанд.”
