Ҳимоят аз мардуми Фаластин дар Амрико як бонкири узбектарро аз ҷои кораш маҳрум ва мавриди ҳамлаҳои зиёди лафзӣ қарор додааст.
Бино ба иттилои расонаҳо, 19-уми октбяри соли 2023 сухангӯи Ситибонк эълон кард, ки бону Нозима Ҳусайнова, ҷавондухтари узбекистонӣ аз кор дар ин бонк ихроҷ шудааст.
Сухнагӯи Ситибонк, сабаби аз кор пеш кардани ин бонуро шарҳ дода гуфтааст, ки Нозима Ҳусейнова дар ҳимоят аз яҳудиситезии Адолф Ҳитлер дар сафҳаи худ дар “Инстаграм” гуфтааст: “Тааҷабовар нест, ки чиро Ҳитлер мехост аз шарри онҳо халос шавад.”
17-уми оятбри соли ҷорӣ ҳамла ба беморхонаи ал-Аҳлӣ дар Ғаззаи Фаластин, ки ҳудуди 500 нафар кушта ва наздик ба як ҳазор дигар захмӣ ба ҷо гузошта буд, вокунишҳои зиёдеро дар ҷаҳон ба бовар овард ва ин вокунишҳо то ҳол идома доранд.
Пас аз ин ҳамлаи маргбор миллионҳо инсонро дар сар то сари дунё алайҳи идомаи ҳамлаҳои хунин ва ҷанг дар Ғазза муттаҳид карда, онҳоро ба кӯчаву хиёбонҳо кашонд.
Нерӯҳои фаластинӣ, кишварҳои ҳамсояи он ва хеле аз кишварҳои узви Созмони Ҳамкориҳои Исломӣ масъулияти ин ҳамларо ба дӯши Исроил бор мекунанд, аммо мақомоти исроилӣ нерӯҳои муқовимати фаластиниро дар ин қазия муттаҳам карда мегӯянд, ки мушаки худи онҳо ба беморхона бархӯрдааст.
Нозима Ҳусейнова ҳам дар пас аз ин ҳамла дар ҳимоят аз мардуми Фаластин дар Ғазза назари болоро дар Инстаграм навишт. Ин изҳори назари ӯ дар як вақти кӯтоҳ ба вокунишҳои зиёде рӯбарӯ шуд. Мавҷи ҳамлаҳои лафзӣ алайҳи ин корманди бонк, ки ба гуфтаи бархе корбарон, яке аз ҳадафҳои Гитлерро “ошкор” кардааст, то ҳол идома дорад. Аммо то замони таҳияи ин матлаб вокуниши худи ин бону дастрас нашудааст.
Гуфта мешавад, хонум Нозима Ҳусейнова 25-сола мебошад. Вай хатмкардаи Коллеҷи Бруклини Донишгоҳи шаҳри Ню-Йорки Амрико аст. Аз соли 2021 то замони ихроҷ аз Ситибонк дар яке аз шуъбаҳои он дар Амрико кор мекард.
