23.9 C
Dushanbe

Эмомалӣ Раҳмон шакли давлатдории худро “дурусту дурбинона” номид

Презеденти Тоҷикистон дар Паёми табрикотиаш ба муносибати Рӯзи истиқлол аз сохти давлатдории худ таъриф ва аз мардум ташаккур кард.

Ирмӯз, 8-уми сенятбри соли 2022, Эмомалӣ Раҳмон, Президенти Тоҷикистон бо ироаи Паёми табрикотиаш ба муносибати 31-уми солгарди истиқлоли Тоҷикистон таъриф карда гуфт, “бунёди давлати муосири тоҷикон интихоби дурусти шакл ва сохти давлатдорӣ буд.”

Эмомалӣ Раҳмон, ки дар давоми раҳбарии наздик ба 30- солааш сохт ва шакли раҳбарии умури Тоҷикистонро марҳила ба марҳила аз гурӯҳӣ ва сипас хешутаборӣ ва ахиран ба оилавӣ табдил додааст, таъкид мекунад, ки равандҳои муосир “бори дигар собит месозад, ки шакл ва сохти давлатдории мо интихоби дурусту дурбинона буда, худи ҳамин ғоя ба яке аз заминаҳои асосии ҳаёти осоиштаи ҷомеа табдил ёфтааст.”

Президенти Тоҷикистон мардумро аз “яроқнокшавии бошитоб ва оғози дигарбораи “ҷанги сард”, мушкилоти вобаста ба тағйирёбии иқлим ва паҳншавии бемориҳои сироятӣ” тарсонда мегӯяд, ки дар ҳифзи истиқлол “фаъолона саҳм гузорем.”

Эмомалӣ Раҳмон дар ҳоле аз сохти давлатдории худ тавсиф мекунад ва онро “дурусту дурбинона” меномад, ки ҳама интихоботи перезидентӣ ва парлумонӣ кишвар аз ҷониби Созмони Амният ва Ҳамкории Аврупо ва ё дигар созмонҳои байналмилалӣ “ношаффоф” ва “ғайридемократӣ” баҳо дода шудаанд.

Инчунин ба қавли коршиносон, дар ин 10 соли ахир аз саҳнаи сиёсии кишвар дур сохтани ҳизбҳо ва чеҳраҳои мухолиф, ба зиндон андохтани равшанфикрону рӯзноманигорон, поймол шудани ҳуқуқи озодии баёон ва инҳисори комили қудрату сарвати давлат дар дасти як хонавода, давлатдории Эмомалӣ Раҳмонро аз нимадемократӣ ба диктатураи комил бурдааст.

Гуфта мешавад, Тоҷикистон 9 сентябри соли 1991 расман Истиқлоли худ аз собиқ Иттиҳоди Ҷумҳуриҳои Шӯравиро эълон кард ва ҳоло бо 180 кишвари дунё муносибатҳои дипломативу дӯстона дорад ва узви комулҳуқуқи 57 созмонҳои ҷаҳонӣ ва минтақавӣ мебошад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.