22.9 C
Dushanbe

Ташрифи сарвазири Узбекистон ба Тоҷикистон

Имрӯз 29 сентябр Абдулло Орипов Сарвазири Ӯзбекистон ба шаҳри Душанбе омад, муовини сарвазири Тоҷикистон Давлатшоҳ Гулмаҳмадзода дар фурудгоҳ ӯро пешвоз гирифт.

Дар шаҳри Душанбе ҷаласаи Комиссияи байниҳукуматии Тоҷикистону Узбекистон оид ба ҳамкориҳои тиҷоративу иқтисодӣ доир мегардад, ки дар он ҳайатҳои ҳар ду кишвар таҳти раёсати сарвазирони давлатҳо Қоҳир Расулзода ва Абдулло Орипов масоили ифтитоҳи сарҳади давлатӣ ва барқарор намудани парвозҳо байни кишварҳоро баррасӣ мекунанд.

Гуфта мешавад, ғайр аз иштирок дар кори Комиссияи байниҳукуматӣ, сарвазири Узбекистон Орипов ҳамчунин аз ҳамоиши тиҷоратии Тоҷикистону Узбекистон, ки имрӯз дар Душанбе баргузор гардид, боздид намуда, бо Эмомалӣ Раҳмон дидору гуфтушунид мекунад.

Ҳамчунин дар назар аст, сарвазири Узбекистон бо фаъолияти корхонаи муштараки истеҳсоли техникаи маишии Тоҷикистону Ӯзбекистон – «Artel Avesto Electronics»  дидан кунад. Мақомоти тартиботии Душанбе эълон карданд, ки ба хотири ташрифи меҳмонҳои воломақом аз ҳамсоякишвар бархе аз роҳҳои шаҳр давоми рӯз баста мегарданд.

Рӯзи 28 сентябр як ҳайати тоҷирони Узбекистон ба Тоҷикистон омада буданд ва дар форуми иқтисодии байни ду кишвар, ки дар шаҳри Душанбе доир гашт, ширкат варзиданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сарт напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.