-3.1 C
Dushanbe

Шамсиддини Саид: Хатари аз байн рафтани писарам вуҷуд дорад

Имрӯз, 28-уми январи соли 2023 тоҷикони муқими Аврупо дар назди Идораи муҳоҷират дар шаҳри Дортмунди Олмон гирдиҳамоии эътирозӣ ташкил карданд.

Гуфта мешавад, ин тазоҳуротро ҳамкорон ва дӯстони олмонии Абудллоҳи Шамсиддин барои ҳимоят аз ӯ ва бо ҳузури даҳҳо шаҳрванди Тоҷикистони муқими кишварҳои аврупоӣ роҳандозӣ кардаанд.

Тазоҳурот дар назди Идораи муҳоҷират дар шаҳри Дортмунди Олмон барпо шуда, иштироккунандагон аз Ҳукумати кишвар талаб доранд, ҷои буду боши Абдуллоҳи Шамсиддинро, ки 10 рӯз мешавад ба Душанбе истирдод шудааст, вале то ҳол макони нигаҳдории ӯ маълум нест, эълон кунад.

Шамсиддини Саид, узви аршади ҲНИТ ва падари Абдуллоҳ мегӯяд, мо имрӯз аз ҳукумати Омлон, ки Абдуллоҳро ба Тоҷикистон истирдод карданд талаб дорем, ки чаро барои истирдоди ӯ пофишорӣ карданд ва аз ҳукумати Тоҷикистон талаб дорем, ки дар куҷо будани фарзанди моро хабар диҳад.

Ӯ мегӯд: “Гарчи Абдуллоҳ, ки дар Тоҷикистон ҳамагӣ 18 солро буд карда буд ва омад берун, ӯ ҳамчун як хурдсол буд ва ҳеч гуноҳу ҷинояте дар унҷо содир накардааст. Агар дар инҷо ҳар коре кардааст, бояд дар назди ҳукумати Олмон ва ниҳодҳои он ҷавоб бигӯяд. Аммо чаро ҳукумати Тоҷикистон ва махсусан сафорати Тоҷикистон бо исрор ҷиҳати интиқоли ӯ кӯшиш мекарданд ва ғоибона номаи бозгашти ӯро доданд. Дар сурате, ки Абдуллоҳ чандин маротиба ҳам ҳузурӣ ва ҳам бо нома ва ҳам бо телефон ба сафорати Тоҷикистон дар Омлон муроҷиат кардааст, вале сафорати Тоҷикистон, ки масъулияти бевоситаи онҳо анҷом додани ин кор аст, ин корро анҷом надоданд. Ва ин нишонаи он аст, ки онҳо дар чорчӯбаи кадом барномае тавонистанд, ҳатто олмониҳоро мутақоид кунанд барои бозгардондани ӯ.”

Шамсиддини Саид, узви фаъоли ҲНИТ

Шамсиддини Саид дар идомаи суҳбаташ мегӯяд: “Аз ин рӯ, мо дар инҷо ҳам болои ҷониби Омлон даъво дорем, ки чаро Абдуллоҳро ба Тоҷикистон фиристонданд ва ҳам болои ҳукумати Тоҷикистон, ки чаро инқадар исрор доштанд барои бозгардондани ӯ?”

Ӯ ҳамчунин ишора кард, ки пеш аз ин даҳҳо ҷавони тоҷик аз Аврупо, Русия ва дигар кишварҳо ба Тоҷикистон истирдод шуда ва пас аз чанде бо ба дӯш гирифтани гуноҳони зиёде ба ҳар ҳол дар наворҳо суҳбат мекарданд ва аз худ дарак медоданд. Аз ин рӯ, “умед дорем мо ҳам ҳарчи зудтар фарзандамонро зинда бубинем, вале хатари ин ки ӯ аз байн рафта бошад, вуҷуд дорад, вале умедворем, ки хабарҳои хубе дошта бошем.”

Модари Абдуллоҳи Шамсиддин

Модари Абдуллоҳ низ дар ин тазоҳурот ширкат карда, ба расонаҳо гуфт, ки 10 рӯз мешавад аз вазъияти писараш хабар надорад ва ин чиз ӯро ҳамчун модар сахт нигарон кардааст. Ӯ аз Ҳукумати кишвар талаб дорад, ҳарчи тезтар макони писарашро бигӯяд. Модари Абдуллоҳ инчунин аз Созмони Миллали Муттаҳид ва дигар созмонҳои байналмилалии ҳуқуқи башар дархост кард, ки дар қазияи фарзандаш бепарво надошанд, зеро ба гуфтаи ӯ, писараш Абдуллоҳ бемории тангнафасӣ (астма) дорад.

Ёдовар мешавем, ки мақомоти Олмон дар ҳамкорӣ бо мақомоти Тоҷикистон 18-уми январи соли ҷорӣ Абдуллоҳи Шамсиддинро ба далели хато пешниҳод кардани ҳувияташ ӯро тариқи хатсайри Дюсселдорф-Истанбул-Душанбе ба кишвар истирдод кард. То имрӯз аз истирдодаш 10 рӯз мегузарад, вале бо вуҷуди борҳо талаб кардани хонаводааш, мақомоти тоҷик дар куҷо будани Абдуллоҳ хабар намедиҳанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.