32.9 C
Dushanbe

Боз тирпарронӣ дар марзи Тоҷикистону Қирғизистон

Субҳи рӯзи 10-уми март дар минтақаи марзии ҷамоати Чоркӯҳи Исфара байни марзбонони тоҷик ва қирғиз тирпарронӣ рух дода, аз ҷониби Тоҷикистон як марзбон кушта ва як нафари дигар захмӣ шудааст.

Тавре расонаҳо хабар доданд, ин ҳодиса субҳи имрӯз тахминан соати 09:30 рух додааст. Мақомоти Тоҷикистон то ҳол расман дар ин бора чизе нагуфтаанд, аммо Хадамоти марзбонии Қирғизистон мегӯяд, аз ҷониби онҳо касе кушта ва ё захмӣ нашудааст.

Радиои Озодӣ шарҳи ҳодисаро аз қавли манбааш дар мақомоти маҳаллии Исфара чунин навишт: “ҳодиса ҳангоми иваз шудани қисми навбатдории сарҳадбонони тоҷик рух додааст. Вақте ҳайати нави сарбозон меоянд, аз ҷониби сарҳадбонони қирғиз луқмапартоӣ мешавад ва беогоҳӣ ба ҷониби мо тир холӣ мекунанд. Дар натиҷа сарбози мо дар ҷойи ҳодиса меафтад ва як деҳқон захм мебардорад.”

Аммо “Sputnik Тоҷикистон” аз қавли Зикрулло Каримов, як сокини ҷамоати Чоркӯҳ навишт, ки ӯ мегӯяд, “субҳи 10 март сарҳадбонони қирғиз ба сӯйи чанд сокини деҳа, ки ба шинонидани ниҳол дар заминҳои худ машғул буданд, шиллик карданд.”

Гуфта мешавад, айни замон мақомоти ноҳияҳои наздимарзии ду кишвар барои таҳқиқ ба ҷои ҳодиса рафтаанд ва гуфтушунид идома дорад.

Даргирии ахир байни ин ду кишвари ҳамсоя охири моҳи январ рух дода буд ва аз ҷониби Тоҷикистон 2 кушта ба ҷо гузошт. Пас аз он сокинони наздимарзӣ ва мақомоти маҳаллии ноҳияҳои Исфараву Бодканд, Бобоҷон Ғафурову Лайлак барои хотима додани муноқишаҳо бо ҳам оши оштӣ ташкил карда, сари дастархон якҷо нишаста буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.