Иқтисод

Тоҷикистон: Apple нахустин шуда андоз супорид

Дар Тоҷикистон аввалин шуда ширкати хориҷии Apple аз ҳисоби хидматрасониҳои электронӣ ба маблағи 238 ҳазор сомонӣ андоз супорид.

23-уми июл Кумитаи андоз бо нашри иттилоияе хабар дод, ширкати хориҷии Apple Distribution International Limited, ки дар Тоҷикистон ба шахсони воқеӣ хизматрасониҳои электрониро пешниҳод менамояд, 16 июли соли ҷорӣ аз байни чунин ширкатҳо нахустин шуда тайи шаш моҳи ахир барои семоҳаи I ва семоҳаи II–и соли 2021 андоз супорид.

17-уми декабри соли 2020 парлумони Тоҷикистон лоиҳаи Қонун “Дар бораи ворид намудани тағйиру иловаҳо ба Кодекси андоз” тасвиб кард, ки тибқи муқаррароти он ширкатҳои хориҷие, ки дар Ҷумҳурии Тоҷикистон ба шахсони воқеӣ хизматрасониҳои электрониро пешниҳод менамоянд, вазифор шуданд дар Кумитаи андоз ба қайд гирифта шаванд ва андоз аз арзиши иловашударо ба буҷети давлат пардохт намоянд.

Кумитаи андози назди Ҳукумати Тоҷикистон мегӯяд, баъд аз қабули қонуни мазкур то имрӯз 18 адад ширкатҳо ба мақомоти андоз муроҷиат намуда, худро ба қайд гирифтаанд.

Аввали моҳи марти соли ҷорӣ Кумита хабар дода буд, ки аввалин шуда ширкатҳои бузурги электронӣ – Facebook ва Google дар Кумитаи андоз худро ҳамчун андозсупоранда ба қайд гирифтанд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Иқтисод

Иқтисод

Стратегияи нави шарикии БОР бо Тоҷикистон

Иқтисод

€500 млн. ҳаҷми мубодилоти тиҷорати Тоҷикистону Эрон

Тоҷикистон

Интиқоли зиёда аз 1400 тонна маҳсулоти нафтӣ ба Афғонистон

Иқтисод

Раҳмон интиқоли барқ ба Толибонро қатъ намекунад