23.9 C
Dushanbe

Дар ним сол Тоҷикистон аз андози Google 1,5 миллион сомонӣ даромад дид

Кумитаи андози назди Ҳукумати Тоҷикистон мегӯяд, дар шаш моҳи аввали соли ҷорӣ ба буҷети кишвар аз ҳисоби андозбандии Google беш аз 1,5 миллион сомонӣ ворид гаштааст.

Тавре “Ховар” дар истинод ба маълумоти Кумитаи андози кишвар хабар дод, аз андозбандии даромади шахсони ҳуқуқии хориҷӣ, ки дар Тоҷикистон ба хизматрасониҳои электронӣ машғуланд, аз аввали соли ҷорӣ то 1-уми август дар маҷмуъ 23 ширкати хориҷӣ, “аз ҷумла Google Commerce Limited, Meta Platforms Irland Limited, Apple Distribution International Limited, Netflix International B.V., Amazon Web Services EMEA SARL ва ғайраҳо дар мақомоти андоз ба қайд гирифта шудаанд.”

Ба гуфтаи масъулони Кумитаи андоз, дар муддати беш аз ним сол ҳаҷми андози ҷамъоваришуда аз ҳисоби ширкатҳои мазкур беш аз 1,5 миллион сомонӣ андоз аз арзиши иловашуда ҳисоб ва ба буҷети давлатӣ пардохт шудааст.

“Ҳамзамон бо мақсади дарёфти манбаъҳои иловагии андозбандӣ, анҷом додани корҳои профилактикӣ ва таъмини риояи муқаррароти қонунгузории андоз аз ҷониби ширкатҳои хориҷие, ки тавассути шабакаҳои интернет ба шаҳрвандони Ҷумҳурии Тоҷикистон хизматрасониҳои электронӣ анҷом медиҳанд, ба суроғаи электронии дигар ширкатҳои хориҷие, ки ба фаъолияти хизматрасонии фосилавӣ машғул мебошанд, мактубҳои дахлдор ирсол карда шуда, онҳо тибқи тартиби муқарраршуда худро дар мақомоти андоз дар шакли электронӣ ба сифати андозсупоранда ба қайди давлатӣ гузошта истодаанд”,- омадааст дар хабар.

Дар Тоҷикистон шуруъ аз аввали соли 2021 қонун дар бораи андозбандӣ аз даромади хидматрасониҳои электронии ширкатҳои хориҷӣ ба ҳукми амал даромад. Аз оғози татбиқи ин қонун Тоҷикистон аз ҳисоби ширкатҳои хориҷӣ, ки ба хидматрасониҳои электронӣ машғуланд, беш аз 3,5 миллион сомонӣ ба буҷети кишвар ворид гаштааст.

Мувофиқи қонунҳои амалкунандаи андоз дар Тоҷикистон, андоз аз арзиши иловашуда (ААИ) барои ширкатҳои хориҷие, ки мустақиман ё бавосита ба шахсони воқеӣ тариқи онлайн хидматрасониҳо пешниҳод мекунанд, 15%-ро ташкил медиҳад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сарт напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.