Вазорати корҳои хориҷаи Тоҷикистон аз мақомоти Русия хостааст, ки парвозҳои ҳавоии байни ин ду кишвар барқарор карда шавад. Дар ин бора рӯзи шанбе 25 июл сомонаи “mk.ru“-и русзабон хабар дод.
Ин вебгоҳ бо истинод ба иттилои Вазорати корҳои хориҷии Тоҷикистон мегӯяд, ин кишвар ҷониби Русияро дар бораи қарораш оиди барқарор кардани парвозҳои ҳавоӣ байни Душанбеву Маскав расман хабар додааст ва айни ҳол мунтазири посухи ҷониби Маскав аст.
Вазорати корҳои хориҷии Тоҷикистон қайд карда, ки дар ҳолати барқарор шудани парвозҳо ҷараёни сафар бо риояи қатъии талаботи зидди эпидемия сурат мегирад.
