24.9 C
Dushanbe

Тоҷикистон парвозҳои мунтазамро бо Туркия ва Чин барқарор мекунад

Тоҷикистон парвозҳои мустақимро бо Туркия ва Чин пас аз 7 моҳи танаффус аз нав барқарор намуд. Аз имрӯз 7 октябр  парвозҳои мустақим аз сар гирифта шуданд.

Икром Субҳонзода директори Агентии авиатсияи граждании назди Ҳукумати Ҷумҳурии Тоҷикистон  ба хабаргузории давлатии “Ховар” гуфтааст: “Парвозҳои мустақим байни Душанбе – Истамбул ва Душанбе – Урумчӣ тибқи қарори Ситоди ҷумҳуриявӣ оид ба пешгирӣ аз паҳншавии  бемории коронавирус – Ковид -19  ва бо назардошти риояи ҳатмии санитарию эпидемикӣ гирифта шудааст”.

Ба гуфтаи  Субҳонзода парвозҳо  дар самти  Душанбе-Истанбул ҳафтае ду маротиба аз ҷониби ширкатҳои ҳавопаймоии “Somon Air”-и Тоҷикистон  ва “Turkish Airlines”-и Туркия анҷом дода мешавад.  Парвози мустақими ҳавопаймо дар масири Душанбе-Урумчӣ вобаста ба теъдоди мусофирон дар ду ҳафта як маротиба аз ҷониби ширкатҳои ҳавопаймоии Тоҷикистон — «Somon Air» ва Чин — «China Southern Airlines» анҷом дода мешавад.

Субҳонзода дар идома дар мавриди кушодашавии парвозҳои мустақим байни Душанбе ва Тошаканд низ ишора карда, гуфтааст:

“аз ҷониби Ҳукумати мамлакат Парвозҳои Душанбе – Тошкенд дар ҳоли бозбинӣ қарор дорад”.

Аз руйи талаботи Ситоди ҷумҳурияви мубориза ба каронавирус дар Тоҷикистон гуфта шудааст, ки  мусофирон ҳатман бояд ҳуҷҷати исботкунандаи натиҷаи ташхиси тиббӣ, ки манфӣ будани COVID-19-ро нишон додааст, пеш аз 72 соати парвоз бо худ дошта бошанд.

Гуфта мешавад, маълумотномаҳо дар ташхисгоҳҳое, ки ба таҳлили саломатии беморони марбут ба COVID-19  сару кор доранд,  ба таври ройгон будааст.

Ҳамчунин сомонаи «Азия-Плюс», бо такя ба манбааш аз ширкати “Сомон Эйр” хабар дод, ки аз 8 октябри соли 2020 ширкати “Сомон Эйр” парвозҳои мунтазамро дар хатсайри Душанбе-Истанбул-Душанбе аз сар мегирад.

Ба навиштаи ин сомона  Парвозҳо ҳафтае як маротиба – рӯзи панҷшанбе анҷом дода мешаванд. Вақти парвоз аз Душанбе соати 06:00, аз Истамбул – соати 10:45 ба вақти маҳаллӣ муқаррар шудааст.

Манбаи “Азия-Плюс” дар идома гуфтааст:   “Билетҳоро аз хазинаҳои билетфурӯшӣ ва инчунин онлайн дар сомонаи ширкат харидан имкон дорад. Арзиши чиптаҳо аз 3672 сомонӣ ва аз рӯи ҷадвали тарифӣ баландтар аст”.

Дар ҳамин ҳол манбаъ гуфтааст, барои ин масири муайяншуда на дар сомонаи ширкат ва на дар хазинаҳои чиптафурӯшӣ билетҳо барои парвозҳои навбатиро пайдо накардаанд.

“Арзиши чипта барои парвози 8 октябр аз 4300 сомонӣ ва аз он бештар нарх дошт, ки ҳамаи ин билетҳо харида шудаанд, ҷойи холӣ нест, аммо барои парвози навбатӣ рӯзи 12 октябр (парвози Turkish Airlines) билетҳо танҳо бо арзиши 11-12 ҳазор сомонӣ боқӣ монданд”, – навиштааст манбаъ.

Тоҷикистон парвозҳои ҳавопаймоҳоро 20 марти соли равон бо сабаби хуруҷи вируси COVID-19 бо бисёр кишварҳои дунё қатъ намуда буд,  ҳоло танҳо дар масири Душанбе – Дубай парвози мустақим ба роҳ монда шудааст. Бо федаратсия Русия бошад,  то ҳол  парвазҳои мустақим маъулм нагардидааст. Ин дар ҳолест, ки Русия бо 24 кишвар, аз ҷумла кишварҳои Осиёи Марказӣ парвозҳои мустақими худро барқарор намуд, аммо бо Тоҷиткистон ҳамчунон бетағйир мондааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.