26.9 C
Dushanbe

Таъсиси 156 ҳазор ҷои кори доимӣ дар 27 моҳ

Агнентии омори назди Президент мегӯяд, ки Ҳукумат дар муддати 2 солу 3 моҳи замони пандемия тавонист, ки зиёда аз 156 ҳазор нафарро ба ҷои кори доимӣ таъмин кунад.

Бино ба иттилои сомонаи Хадамоти матбуоти Президенти Тоҷикистон 30-уми августи соли 2022 маҷлиси навбатии Ҳукумати Ҷумҳурии Тоҷикистон бо раҳбарии Эмомалӣ Раҳмон дар шаҳри Душанбе баргузор гардид.

Ба қавли манбаъ, дар ин маҷлис зикр шуд, ки “дар давоми солҳои 2020-2021 ва нимсолаи якуми соли 2022 ба мақомоти меҳнат ва шуғли аҳолӣ 353 ҳазору 402 нафар шаҳрванд муроҷиат намуданд. Дар доираи татбиқи Барномаи давлатии мусоидат ба шуғли аҳолӣ, дар маҷмуъ 179 ҳазору 240 нафар бо ҷойҳои корӣ таъмин гардид.”

Аммо оморҳои расмӣ нишон медиҳанд, ки аксари ин ҷойҳои корӣ муваққатӣ ва ё мавсимӣ будаанд, на ҷойҳои кори доимӣ, ки корҷӯён ба хотири ҷамъ аз пайи зиндагии худ шаванд.

Инчунин дар маҷлиси дирӯзаи Ҳукумат таъкид гардид, ки “мувофиқи маълумоти Агентии омори назди Президенти Ҷумҳурии Тоҷикистон дар солҳои 2020-2021 ва семоҳаи якуми соли 2022 дар Тоҷикистон дар соҳаҳои иқтисодиёт 421 ҳазору 726 ҷои нави корӣ таъсис дода шуд, ки аз ин 156 ҳазору 623 ҷойи кори доимӣ мебошад.”

Гуфта мешавад, маҷлисороёни ҳукумат дар ҳоле аз таъсиси беш аз 420 ҳазор ҷори кор дар замони авҷигирии коронавирус хабар медиҳанд, ки ба гуфтаи мақомоти андоз дар ҳамин давра ҳудуди сад ҳазор нафар аз соҳибкорони кишвар фаъолияти худро қатъ карданд ва он боис гардид, ки ҷамъоварии пул барои таъмини буҷаи ҷумҳуриявӣ бо камбуди молӣ рӯбарӯ шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомоти Русия шаҳрвандони тоҷикро бо ваъдаи пул ба ҷанг даъват мекунанд

Муҳоҷирони кории тоҷики муқими Русия мегӯянд, мақомоти ин кишвар бо роҳҳои гуногун барои онҳо даъватнома фиристода, бо ваъдаҳои зиёди пулӣ онҳоро барои ҷанг ба Украина ҷалб мекунанд.

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.