32.9 C
Dushanbe

Тоҷикистон то соли 2023 2,7 миллард $ сармояи хориҷӣ ҷалб карданист

Тоҷикистон дар се соли оянда ба нақша гирифтааст, ки беш аз 2,7 миллиард доллар сармояи хориҷиро ҷалб кунад. Ин дар “Дурнамои нишондиҳандаҳои асосии макроиқтисодии Ҷумҳурии Тоҷикистон барои солҳои 2021-2023” оварда шудааст.

Тибқи ин санад афзоиши солонаи ҷалби сармояи хориҷӣ ба ҳисоби миёна 200 миллион доллар пешбинӣ шуда, имсол ҳаҷми сармоягузории хориҷӣ ба иқтисоди миллӣ 774 миллион доллар пешбинӣ шудааст. Ин рақам дар соли 2022 924 миллион долларро ва дар соли 2023 – 1 миллиард 69 миллион долларро ташкил хоҳад дод.

Қаблан Кумитаи давлатии сармоягузорӣ ва идораи амволи давлатии ҶТ хабар дода буд, ки дар соли 2020 сармоягузории хориҷӣ ба маблағи 428 миллион доллар ба иқтисоди кишвар ворид шудааст. Ин рақам дар муқоиса бо соли 2019 53% камтар аст.

Гузориш дода шуда буд, ки сармоягузорӣ асосан аз Чин (беш аз 150 миллион доллар), Арабистони Саудӣ (39 миллион доллар) ва Филиппин (38 миллион доллар) ворид шудааст.

Тибқи маълумоти Кумитаи давлатии сармоягузорӣ, дар ҳоли ҳозир дар ҷумҳурӣ 70 лоиҳаи давлатии сармоягузорӣ ба маблағи умумии беш аз 3,5 миллиард доллар амалӣ шуда истодааст.

Тақрибан 50% дар сохтори ин лоиҳаҳо қарзҳо, зиёда аз 45% грантҳо ва боқимонда саҳми Ҳукумати Тоҷикистон мебошанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.