26.9 C
Dushanbe

Толибон рӯзи хурӯҷи охирин сарбози амрикоиро таътил эълон кард

Ҳукумати муваққати Толибон рӯзи хурӯҷи охирин сарбози амрикоӣ аз Афғонистонро таътили умумӣ эълон кардааст.

Акс аз манбаъҳои боз

Хабаргузории “Пажвок“-и Афғонистон иттилоъ дода, ки Вазорати кор ва умури иҷтимоии ҳукумати муваққати Толибон мегӯяд, “ба муносибати хуруҷи нерӯҳои амрикоӣ ва муттаҳидонаш аз Афғонистон, фардо дар сар то сари кишвар рухсатии умумӣ мебошад.”

Инчунин ББС  ҳам дар истинод ба манобеи худ иттилоъ дода, ки Толибон бо дастури шифоҳии нахуствазири муваққати Аморати исломӣ фардо, чоршанбеи 31-уми августро ҳамчун рӯзи “поёни ишғоли Амрико” бо баргузории як маросими вежа таҷлил мекунанд.

Гуфта мешавад, нимашаби 30-уми августи соли 2021 генерал Крис Донаху, фармондеҳи дивизияи 82-юми ҳавоӣ, дар фурӯдгоҳи Кобул савори ҳавопаймои борбари С-17 гардида, Афғонистонро тарк карда буд.

Ҳамзамон Фармондеҳии марказии Амрико дар Ховари Миёна (CENTCOM) 31-уми августи соли гузашта низ бо нашри аксе аз генерал Донаху эълон карда буд, ки вай охирин сарбози амрикоӣ аст, ки Афғонистонро тарк кардааст.

Толибон пас аз 20 соли набард бо нерӯҳои амрикоӣ ва муттаҳидонаш дар Афғонистон 15-уми августи соли 2021 дубора дар Кобул сари қудрат омаданд ва идораи давлатро ба даст гирифтанд. Аммо бо гузашти зиёда аз як соли ҳукмронӣ то ҳол ҳеч давлате ҳукумати онҳоро расман эътироф накардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомоти Русия шаҳрвандони тоҷикро бо ваъдаи пул ба ҷанг даъват мекунанд

Муҳоҷирони кории тоҷики муқими Русия мегӯянд, мақомоти ин кишвар бо роҳҳои гуногун барои онҳо даъватнома фиристода, бо ваъдаҳои зиёди пулӣ онҳоро барои ҷанг ба Украина ҷалб мекунанд.

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.