20.4 C
Dushanbe

Уфти қурби рубли русӣ дар баробари асъори хориҷӣ

Бонки миллии Тоҷикистон қурби пули миллӣ-сомониро дар баробари рубли русӣ боло бурдааст.

Имрӯз, 14-уми августи соли 2023 қурби рубли русӣ дар баробари асъори хориҷӣ ба тавре камсобиқа суқут карда, дар пойинтарин сатҳи худ қарор гирифтааст.

Айни замон дар бозорҳои қурби асъори ҷаҳонӣ арзиши 1 рубли русӣ дар баробари доллари амрикоӣ то 0,9999 суқут карда, 100 ҳазор рубли русӣ ба 999 доллари амрикоӣ баробар гардидааст.

Арзиши қурби рубли русӣ дар ҳоле дар бозорҳои асъори ҷаҳонӣ суқут карда, ки мақомоти Русия иддао доранд, ки таҳримҳои ҷаҳонӣ алайҳи ин кишвар бархилофи пешбиниҳо натиҷаи баръакс дода, ба рушди иқтисоди ин кишвар мусоидат кардааст.

Ҳамзамон Бонки миллии Тоҷикистон, ки ягона ниҳоди муайянкунандаи қурби пули миллӣ-сомонӣ дар баробари асъори хориҷӣ дониста мешавад, қурби 1 рубли русиро 0,1113 сомонӣ таъйин кардааст. Ба иборати дигар, 1000 рубли русӣ баробар ба 111 сомонӣ ва 13 дирам баробар шудааст.

Гуфта мешавад, аз замоне ки Русия ҳамлаҳои низомии худ алайҳи Украинаро дар 24-уми феврали соли 2022 оғоз кард, таҳримҳои ҷаҳонӣ алайҳи Русия зиёд шуд ва раванди уфти қурби рубли русӣ дар баробари асъори ҷаҳонӣ низ афзоиш ёфт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.