32.9 C
Dushanbe

Украина: Русия зиёда аз 100 ҳазор сарбоз талафот додааст

Дар давоми ҷанги оғозкардаи Русия алайҳи Украина зиёда аз 100 ҳазор нафар аз афсарону сарбозони рус ҷони худро аз даст додаанд.

Вазири дифои Украина гуфтааст, дар давоми беш аз 10 моҳи соли 2022, ки Русия алайҳи ин кишвар ҷанг эълон кардааст, беш аз 100 ҳазор нафар талафот додааст.

Ба гуфтаи ӯ кохнишинони Кремлин қасд доранд дар оғози январи соли ҷорӣ бори дигар басиҷи умумӣ эълон карда, тамоми марзҳо, ҳатто марз байни Русия ва Беларусро ҳам ба рӯи ҷавонони ин кишвар бибанданд, то тавонанд ба ин ҳадафашон бирасанд.

Русия дар бораи ин теъдоди бузург аз талафоти худ дар ҷараёни ҷанги Украина то ҳол расман гузориш надодааст ва дар бораи эълони дубораи басиҷи умумӣ чизе нагуфтааст.

Аммо пеш аз ин, Русия бо эълони басиҷи умумӣ як маротиба то ҳудуди 300 ҳазор нафарро ба сафи қувваҳои мусаллаҳи ин кишвар ҷалб карда, ба ҷанг фиристода буд, ки дар натиҷа садҳо ҳазор аз шаҳрвандони ин кишвар аз тарси ҷалб шудан ба артиш аз Русия фирор карданд.

Он замон дар расонаҳои Русия ва шабакаҳои иҷтимоӣ гуфта мешуд, ки дар ин басиҷи умумӣ аксари ҷалбшудагон касоне ҳастанд, ки миллати онҳо ғайри рус буда, аз майдамиллатҳо намояндагӣ мекунанд.

Аммо ин дафъа мақомоти Русия қасд доранд, ки ба фарқ аз гузашта теъдоди бештареро ба сафи қувваҳои мусаллаҳи он кишвар ҷалб кунанд. Бархеҳо ин теъдодро то 500 ҳазор нафар тахмин мезананд.

Гуфта мешавад, Русия ҳамлаҳои худро зери унвони “амалиёти махсус” 24-уми феврали соли 2022 алайҳи Украина оғоз кард ва дар ин муддат даҳҳо ҳазор нафар афсару сарбоз аз ду ҷониб кушта ва захмӣ шудаанд. Теъдоди оворагони украинӣ низ дар ин муддат беш аз 7 миллион нафар арзёбӣ мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.

Санги қабри Мамадбоқировро канданд

Кормандони Кумитаи давлатии амнияти миллии Тоҷикистон санги рӯи қабри...

Киев ва Маскав ҳар ду мавриди ҳамла қарор гирифтанд

Тайи се рӯзи ахир Русия ҳамлаҳои худ алайҳи Украинаро афзоиш додааст, вале Маскав ҳам субҳи имрӯз мавриди ҳамла қарор гирифт.

Бонки миллӣ мизони таваррум дар кишварро эълон кард

Тибқи нишондодҳои расмӣ, дар 4 моҳи аввали соли ҷорӣ Маҷмуи маҳсулоти дохилӣ дар кишвар 8 дарсад рушд карда, сатҳи таваррум 2,3 дарсадро ташкил додааст.